Бишкек-Торугарт жолунда унаа эмне себептен күйүп кеткендиги белгисиз

Бишкек-Нарын-Торугарт унаа жолунда Lexus GX470 үлгүсүндөгү унаа күйүп кетти.

Чүй облустук Жол кыймылынын коопсуздугун камсыздоо башкармалыгынын басма сөз катчысы Тимур Миршакиров SUPER.KG порталына билдиргендей, унаа жол кырсыгына кабылбастан, жүрүп баратып эле күйүп кеткен.

"Кырсык кечээ, 25-август күнү саат 20:00дөр чамасында Ысык-Ата районунун аймагында болгон. Унаа өзүнөн өзү күйүп кеткени үчүн эч кандай жол кырсыгы катталган жок. Унаа күйүп жатканда биздин кызматкерлер жолдун эки тарабын жаап турушкан. Айдоочу менен жүргүнчүсү унаадан чыгып кетүүгө үлгүргөн. Бул окуядан эч ким жабыркаган жок. Учурда унаанын эмне себептен күйүп кеткени иликтенип жатат”, - деди басма сөз катчы.

Буга чеийн SUPER.KG порталынын “Элдик кабар” бөлүмүнө окурман тарабынан Кант-Бишкек жолунда автоунаа толугу менен күйүп кеткендиги тууралуу маалымат келип түшкөн.