Бишкекте бала сатууга шектелген гинекологдор ымыркай үчүн 1 миң 300 доллар алышкан. Окуянын чоо-жайы

Буга чейин Бишкек шаарында бала сатууга шектелип дарыгер-гинекологдор кармалгандыгы маалымдалган. Бул боюнча SUPER.KG'ге өздүк булактардан билдиришкендей, 2016-жылдын июль айында М.А. аттуу аял өз алдынча, мыйзамдуу эмес түрдө бала багып алууну чечет. Ага чейин анын 3 баласы чарчап калган. Балалуу болбой калуудан чочулаган М.А. бала асырып алууну көздөп жатканын айтып, Ө.Ж. аттуу тааныш гинекологуна кайрылат.

Таанышынын суранычын уккан гинеколог Э.Ч. аттуу бирге иштешкен кесиптешинен жардам сурайт. Бала сатканы үчүн мыйзам алдында жооп берерин билгени менен, Э.Ч. жаңы төрөлгөн ымыркайды жеке байланыштары аркылуу издей баштайт. Ал Т.Г. аттуу дарыгерге бала сатуу менен жакшы акча тапса болорун айтып, табууну сунуштайт. Т.Г. ымыркайды табат, бирок баланын апасы ким экени азырынча белгисиз.

Бала сатуу фактысына шектелген гинекологдор жаңы төрөлгөн баланы Subaru Legacy үлгүсүндөгү унаа менен шаардын четиндеги жаңы конуштардын бирине алып барып, сатып алуучу М.А.га көрсөтүшүп, 1 миң 300 доллар сурашкан. Баланы асырап алууну көздөгөн М.А. мыйзамды бузуп жатканын билип туруп, балалуу болбой калуудан коркуп, дарыгерлердин шарттарына макул болот.

Ымыркайга делген акчаны ал Бишкектеги Фрунзе жана Тоголок Молдо көчөлөрүнүн кесилишинен берет. Арадан 6-7 күн өткөндөн кийин баланын абалы оорлошуп, шаардык №3-балдар ооруканасынын жандандыруу бөлүмүнө түшүп, чарчап калат. Укук коргоо органдарынан корккон гинеколог Т.Г. ымыркайдын жансыз денесин белгисиз тарапка алып кетип, анын ордуна башка дени сак бала таап берерин убадалайт.

Кардарына сөз берген дарыгер 2016-жылдын 15-августунда шаардын Жаш Гвардия бульвары менен Фрунзе көчөлөрүнүн кесилишине башка баланы алып келип берет. Сатып алуучу бала менен кошо анын документтерин талап кылат. Бала сатууга шектелген гинекологдор баланын туулгандыгы тууралуу күбөлүгүн, ата-энеси М.А. менен анын күйөөсү экенин аныктаган докуметти тапшырган.

Автор: Илим Туратбек уулу

12:06 11-09-2018

Жазылуу

РУБРИКАДАГЫ СОҢКУ КАБАРЛАР

21:37 2025-06-16 | Түркүн дүйнө

Алып баруучу түз эфирде отурган... Израиль Ирандын мамлекеттик телеканалын жардырды (видео) 791 0

20:58 2025-06-16 | Коом жана турмуш

"Кичинекей жерде 18 адам жашайт". Оштун мэри үйлөрү бузулгандарга түшүндүрүү иштерин жүргүздү (видео) 481 0

20:35 2025-06-16 | Саясат

Садыр Жапаров Астанага “Борбор Азия - Кытай” экинчи саммитине катышууга барат 224 0

20:22 2025-06-16 | Саясат

Садыр Жапаров Германиянын Кыргызстандагы элчисин кабыл алды 189 0

19:57 2025-06-16 | Коом жана турмуш

Блог: Петра - таштан жаралган тарых 346 0

19:27 2025-06-16 | Коом жана турмуш

Бишкек – Кашгар багыты боюнча жаңы аба каттамы ачылды 316 0

Архив

Комментарийлер (10)

aidinaernur

2018-09-11 12:37:30

Коркунучтуу го окуганга да
Кулак укса да коз корбосун
Кудай сактасын
Ыйман ынсап берсин баарына

DNurgiza

2018-09-11 13:07:27

КЫлмышка шектүүлөрдү эмнеге жаап, жашырышат, аты жөнүн толук жазып, сүрөтүн кошуп чыгарыш керек, башкаларга сабак боло тургандай.....

Akshumkar

2018-09-11 13:28:34

Омии озунчо эле кино болуптур го. Мындай акмактарды омур бою турмого кесиш керек.

admin_superstan

2018-09-11 13:32:47

Karagay, коомдук адепке туура келбеген сөздөрдү жазууга жол берилбейт! БАНга!
Порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек.

-2

Nestana95

2018-09-11 13:47:55

Эмнеге Т.М П.т .. атын ачыкка чыгаргыла да....ушакты алып келип жайып койгонсубай......же жазбай койбойсунар...тооук жазбагандан кийин,

Gulnyr19

2018-09-11 13:57:25

Ошондо бирөөнүн тирүү төрөлгөн баласын өлдү деп тиги чарчап калган балага алмаштырып койдубу ХХХХХХ

Jasa

2018-09-11 14:17:13

Журогу жок айбандар,чарчап калганы жакшы каралбай калгандан болуп журбосун,дагы дароо экинчи баланы таба койгонун айт,кудай корсотсун силерге,турмодо чирисенер экен,

Azat.97

2018-09-11 15:12:18

1300 $ учун бир ымыркайдын омуру кыйылды.Акмактар

Asia3030

2018-09-11 20:17:21

Кыңыр иш азыр 40 минутада билинген заманго

Totyua.71.

2018-09-11 22:59:53

Буларга эми ким ишенет?Ар бир аял коркуп төрөй турган болуптур эми,кимиси алып коёт деп...

Комментарий калтыруу үчүн өз ысымыңыз менен кириңиз же каттоодон өтүңүз.