Баткенде аткезчилик жүк менен 2 Кыргыз жараны кармалды

Баткен облусундагы Кыргыз-Тажик чек арасынан аткезчилик жүк менен 2 Кыргыз жараны кармалды. Бул тууралуу бүгүн, 12-сентябрда Мамлекеттик чек ара кызматынан билдиришти.

Маалыматка ылайык, кечээ, 11-сентябрда Баткен облусунун Каксай аймагынан Тажикстандан Кыргыз жерине 2 тоннадан ашык пиязды өткөрүүгө аракеттенген эки жаран кармалган.

Териштирүү иштеринин алкагында пиязды Кыргыз жерине өткөрүү үчүн тиешелүү документтер, уруксат кагаздары жок экени аныкталган. Кийин Кыргыз жарандары жана жүк тиешелүү мекеменин кызматкерлерине өткөрүлүп берилип, териштирүү иштери башталган.

Автор: Мальвина Уметбекова