Бишкекте чаламандын чак түшүндө белгисиз адамдар 1-курстун студентин бычак менен коркуткан

Бишкектин Кара-Жыгач токоюна жакын жерде белгисиз адамдар студент кызга бычак такаган. Бул тууралуу Бактияр Асанов аттуу социалдык тармактын колдонуучусу жеке баракчасына жазып чыккан.

Маалыматка ылайык, окуя 15-сентябрда болгон. Окуянын күбөсү Асанов буларга токтолгон.

"Кара-Жыгач токоюна ишембиликке бара жатып жол боюнда ичин кармап ыйлап отурган кызды көрдүм. Бети, колу канжалап отурган кыздын жанында бир кыз менен жигит бар экен. Алар менден "Тез жардам" кызматын чакыруумдуу өтүндү. Мен "103кө" чалдым.

Жабырланууучу кыз 1-курстун студенти. Ал окуу жайга баруу үчүн эки ирет коомдук транспортко отурмак экен. Студент кыз эртең менен окуусуна бара жатып Чүй-Жаш Гвардия бульварынын кесилишинен түшүп башка маршруттук таксиге отурмак болгон. Жолдун жээгине өтүп жаткан кыздын жанына кара түстөгү унаа келип токтогон. Андан белгисиз адамдар чыгып кыздын оозун жаап, унаага отургузган. Унаанын ичинен кызга бычак такап, бут кийиминин боосун чечип, кызды муунта баштаган. Ошентип аны Кара-Жыгач токоюна чейин коркутуп алып келишип, унаадан алып чыгып "муунтуп, кескилеп, денесин Чоң Чүй каналына ыргытып жиберебиз" деп коркуткан. Жабырлануучу кыз жанында болгон акчасын коркуткан адамдарга бергенден кийин белгисиз адамдар кыздын жанына бычагын таштап кетип калышкан", - дейт ал.

Ошондой эле жабырлануучу кыз унаада дагы бир кыз болгонун, анын жүзү жоолук же кап менен жабылганын айтканын кошумчалаган.

"Мен кызды көргөндө ал сүйлөй албай эле ыйлап жатты. Аны тынчтандырып, "Совет көчөсүнө чейин бара аласыңбы" деп сурадым. Кыз макул болуп, ага ордунан турууга жардам бердим. Анткени оозу жарылган, колунда жана ичинде кесилген жерлери бар болчу. 4-5 метр жолду баскандан кийин кыз эсин жоготуп жыгылды. Мен дароо эле талдын көлөкөсүнө алып барып жаткыргандан 1 жарым 2 мүнөттөн кийин эсине келип, уктап калды. Ал эми мен келгенге чейин жабырлануучунун жанында турган кыз менен бала буюмдарды чачылган буюмдарды чогултуп, кыздын канжалаган бети, колун жууду. 15 мүнөттөн кийин "Тез жардам" кызматы, 30 мүнөттөн кийин милиция кызматкерлери келди", - дейт окуянын күбөсү.

Ал эми аталган факты боюнча Бишкек ШИИББине кайрылып, төмөндөгүдөй жооп алдык.

"Бизге жогорудагы окуя боюнча маалымат 15-сентябрь күнү саат 13:30да келип түшкөн. Окуянын жерине барганыбызда жабырлануучу эч кандай арыз жазган эмес. Анткени ал ошол маалда нес абалында болгон. Ал эми жабырлануучу кыздын эжеси ал өзүнө келгенде арыз жазарын билдирген. Бул факты боюнча тийиштүү экспертизалар дайындалып, тергөө иштери башталган. Чүй-Жаш Гвардия бульварындагы видео көзөмөлдөр текшерүүгө алынды", - дейт басма сөз кызматы.

Автор: Бактыгүл Момбекова

07:32 18-09-2018

Жазылуу

РУБРИКАДАГЫ СОҢКУ КАБАРЛАР

21:37 2025-06-16 | Түркүн дүйнө

Алып баруучу түз эфирде отурган... Израиль Ирандын мамлекеттик телеканалын жардырды (видео) 791 0

20:58 2025-06-16 | Коом жана турмуш

"Кичинекей жерде 18 адам жашайт". Оштун мэри үйлөрү бузулгандарга түшүндүрүү иштерин жүргүздү (видео) 481 0

20:35 2025-06-16 | Саясат

Садыр Жапаров Астанага “Борбор Азия - Кытай” экинчи саммитине катышууга барат 224 0

20:22 2025-06-16 | Саясат

Садыр Жапаров Германиянын Кыргызстандагы элчисин кабыл алды 189 0

19:57 2025-06-16 | Коом жана турмуш

Блог: Петра - таштан жаралган тарых 346 0

19:27 2025-06-16 | Коом жана турмуш

Бишкек – Кашгар багыты боюнча жаңы аба каттамы ачылды 316 0

Архив

Комментарийлер (7)

Matahara1980

2018-09-17 20:57:16

Тобо чак тушто ушинтип бычактап кетип атса , туну ал каракчылар андан да жаман кылмыш кылышса керек, тезиреек таап камагыла мындай каракчыларды, дагы бироо жарымды олтуро электе

monster_high_98

2018-09-17 21:39:44

Бишкекте журуунун озу кооптуу болуп калдыго!?

Samar90

2018-09-17 21:46:57

Бишкек 13 район ултиматиум

Matahara1980

2018-09-18 00:03:46

Samar90,13 район тынч эле бишкеке караганда,минтип кундуз кочодо журсон бычактап кетпейт.

Baatirbek81

2018-09-17 22:44:37

Бул какчылар көпкөн бай адамдардын балдары эле кылып жататко,карапайым элдин балдары артын ойлоп иш кылат эгер мээси болсо!

bek.94

2018-09-17 22:47:27

Эмне сөссүз арыз жазганга чейин эле карап отура бериш керекби адам өлүп калганда эмне болмок анда да арыз жазбай өлүп кетти дейт беле иим

talaa11

2018-09-17 23:14:18

Тезиреек кармап катуу жаза бергиле

Комментарий калтыруу үчүн өз ысымыңыз менен кириңиз же каттоодон өтүңүз.