ӨКМ: Жалал-Абад облусунун аймагында 4-октябрь түнү жер титиреди

Кечээ, 4-октябрь түнү саат 23:02де Жалал-Абад облусунун аймагында күчү 3,5 баллга жеткен жер титирөө катталган. Мындай маалыматты ӨКМнын маалымат кызматы билдирди.

"Жер титирөө Сузак районунун Жаңы-Жер, Жийде, Сузак, Арал, Күмүш-Азиз, Жар-Кыштак айылдарында 3,5 баллга, Жалал-Абад шаарында жана Бекабад айылында 3 баллга жеткен. Базар-Коргон районунун Базар-Коргон айылында жана Ош шаарында 2,5 баллга чейин сезилген", - деп жазылат маалыматта.

Такталган маалымат боюнча, жер титирөөдөн жабыркагандар жана кыйроолор катталган жок.

Автор: Гүлжан Асанкожоева