Ош-Исфана жолунда унаа 17 баш койду сүзүп кетти

Ош-Исфана унаа жолунда жеңил унаа 17 баш койду сүзүп кетти. Бул тууралуу Баткен облустук Жол кыймылынын коопсуздугун көзөмөлдөө бөлүмүнөн кабарлады.

Маалыматка ылайык, кырсык 6-октябрда саат 19:30 чамасында Кадамжай районунун Алга аймагында катталган.

"Анда Opel Astra унаасы жолдогу койлорду сүзгөн. Анда бир баш кой өлүп, 9 баш жабыр тарткан койду ошол жерден адалдоо максатында адамдар мууздап коюшкан. Ал эми дагы 7 баш койдун колу-буту сынгандыктан аларды ээлери алып кетишкен. Кырсыктан айдоочу жана жүргүнчүлөр жабыркаган эмес", - деди аталган бөлүмдөн.

Учурда бул окуя боюнча Кадамжай РИИБи чыгымдарды эсептеп, териштирүү иштерин жүргүзүүдө.

Автор: Айсалкын Качкынбекова