Дүйнөлүк Универсиада: Кыргызстан 2 алтын, 2 коло медалды багындырып, 6-орунда келе жатат

Бекболсун Кушубаков 100 килограмм салмактан жогорку категорияда таймашка чыгып, коло медалды багындырды

82 килограмм салмактагы Нурбек Кожобеков финалда өз атаандаштарын жеңип, чемпион аталды

100 килограмм салмактагылар арасында жеңүүчү болуп, алтын медалга татыган Нурбек Аканов

Татарстандын Казань шаарында өтүп жаткан Дүйнөлүк Универсиадада Кыргызстан 6-орунда келе жатат. Белгилүү болгондой, Универсиаданын 1-күнүндөгү мелдеште 27 медаль жеңиш ээлерине ыйгарылган. Кыргызстандык спортчулар бел боо күрөшү боюнча 2 алтын жана 2 коло медалды багындыра алышты. Эске салсак, жалпы командалык орундар боюнча Орусия (7 алтын, 2 күмүш, 8 коло) 17 медалды багындырып, алдынкы орунда келе жатат. Андан соң 4 медаль (3 алтын, 1 коло) менен Түштүк Корея өлкөсү. 8 медаль (2 алтын, 4 күмүш жана 2 коло) жеңген Кытай кийинки орунда. 4-орунга Япония өлкөсү 6 медаль (2 алтын, 1 күмүш, 3 коло) менен чыкты. Германия 5-орунду камсыз кылып, 4 медалга (2 алтын, 1 күмүш, 1 коло) ээ болгон. Кыргызстан курама командасы 2 алтын, 2 коло болуп, жалпысынан 4 медаль менен 6-орунда келе жатат. Аталган жайкы Универсиадада спорттун 27 түрү боюнча 162 өлкөнүн өкүлдөрү күч сынашууда. Жеңүүчүлөргө жалпысынан 350 медаль топтому тапшырылмакчы.

Автор: Ширин Турдакунова