Бишкекте эки жаран баңгизат менен кармалды

Бишкекте эки жаран баңгизаты менен кармалды. Бул тууралуу Бишкек ШИИББинин басма сөз кызматынан кабарлашты.

Маалыматка ылайык, 5-октябрда Октябрь РИИБинин баңгизатка каршы күрөшүү бөлүмүнүн кызматкерлери Кара-Жыгач конушунан эки жаранды кармашкан. Текшерүү учурунда алардын жанынан баштыкка оролгон 62 ширеңкенин кутучасына салынган баңгизат табылган. Баңгизаттын салмагы 858 граммды түзгөн.

"Шектүүлөр Баткен облусунун 37 жаштагы тургуну Ш.Т. жана Чүй облусунун 35 жаштагы тургуну М.А. Бул факты боюнча Кылмыш-жаза кодексинин "баңгизаттарды, психотроптук заттарды мыйзамсыз даярдоо, алуу, сактоо, ташуу" беренеси менен иш козголгон. Ал эми эки жаран убактылуу кармоочу жайга киргизилип, тергөө иштери башталды", - деп айтылат маалыматта.