Орусияда Кыргыз жарандарынан опузалап акча талап кылган кылмыштуу топ кармалды. Текшерүүдө 35 паспорт жана 54 айдоочулук күбөлүк табылган

Орусиянын Москва шаарында Кыргыз жарандарынан опузалап акча жана алардын документтерин тартып алган кылмыштуу топ кармалды. Мындай маалыматты Ички иштер министрлигинин басма сөз кызматы жарыялады.

Маалыматка ылайык, кылмыштуу топ жакынкы күндөрдө кармалган. Топтун мүчөлөрү өздөрүн криминалдык авторитеттин жана уюшкан кылмыштуу топтун лидерлеринин атынан кылмыш иштерин жасап жүрүшкөн.

"Жабырлануучулар кылмыштуу топтун жасаган иштерине карата арыз жазуудан баш тартып келишкен. Качан гана аларга түшүндүрүү иштери жүргүзүлгөн соң, алар арыз жазышкан", - деп жазылат маалыматта.

Ушул жылдын 28-июлунда топтолгон маалыматтар боюнча Москва шаарынын Нагорный районунда кылмыш иши козголгон.

Ыкчам-иликтөө иштеринин негизинде кылмыштуу топтун арасында 8 Кыргыз жараны бар экени аныкталып, аларды кармоо иш-аракети жүргүзүлгөн. Анын жыйынтыгында кармалган жарандардын арасында Жалал-Абад облусунун Токтогул районунда 1992-жылы туулган Мадияр Касымбеков менен Сузак районунда 1993-жылы туулган Аскар Абдилманап уулу бар болгон. Алар мыйзамдагы ууру К.К. атын пайдаланып, ири өлчөмдөгү акчаларды жарандардан талап кылып келишкен.

"Москвадагы такси унааларды токтотуучу жайларда иштеген жарандар ар кандай арыздар менен кайрылышкан. Алардын бири Москва шаарына бир нече ай мурун иштөө үчүн келген. Андан октябрь айынын башында 20 миң рубль акча талап кылгандан улам ИИМдин Орусиядагы өкүлчүлүгүнө кайрылган. Жабырлануучу Орусияга келүү үчүн унаасын сатып, такси токтотуучу жайда келишим түзбөй иштей баштаган. Бул жерден ал Аскар жана Мадияр аттуу балдарды жолуктурган. Алар август айында тапанча менен коркутуп, күч колдонуп анын 1600 долларын, телефонун жана баалуу буюмдарын тартып алган. Ошондой эле аты аталган эки жаран аны токойго алып барып, айдоочуларды сабап, эгер алардын талаптарын аткарбаса ушундай жаза күтөрүн айтып, акча талап кылышкан", - деп жазылат маалыматта.

Келип түшкөн арыздын негизинде кылмыштуу топту кармоо операциясы жүргүзүлүп шектүүлөр колго түшүрүлгөн. Таксомотордук ишкананы текшерүүгө алганда 10 миң рубль, пневматикалык тапанча, 54 даана айдоочулук күбөлүк, Кыргыз жарандарына таандык 35 даана паспорт, 3 аскердик билет табылган. Мындан тышкары жабырлануучуга таандык кол саат алынган.

Учурда ИИМдин Москва шаарынын Нагорный району боюнча тергөө кызматы тарабынан жабырлануучунун арызы боюнча таксопарктын кызматкерлерине кылмыш иши козголду. Жогорудагы эки жаран убактылуу кармоочу жайга киргизилип, башка кылмыш иштерине тиешеси бар же жок экени такталууда.

Эгерде кимдир бирөө сүрөттөгү жарандардан жабыркаган болсо ИИМдин Орусиядагы өкүлчүлүгүнө кайрылышса болот.

Автор: Айсалкын Качкынбекова

07:41 16-10-2018

Жазылуу

РУБРИКАДАГЫ СОҢКУ КАБАРЛАР

13:51 2025-06-16 | Коом жана турмуш

Кыргызстандын 28 жараны Ирандан эвакуацияланды 73 0

13:38 2025-06-16 | Коом жана турмуш

Садыр Жапаров Ысык-Атада керамика плиткаларын өндүрүүчү заводду ачты 110 0

13:20 2025-06-16 | Түркүн дүйнө

Британ чалгын кызматынын башчылыгына биринчи жолу аял дайындалды 185 0

13:00 2025-06-16 | Кылмыштар, кырсыктар

Бишкекте мыйзамсыз радикалдык диний ячейканын ишмердүүлүгүнө бөгөт коюлду 174 0

11:57 2025-06-16 | Маданият, шоу-бизнес

Актриса Айгерим Саматова экинчи кызын жарыкка алып келди 832 0

11:46 2025-06-16 | Түркүн дүйнө

Латын Америкасында Палестинаны колдоо жүрүштөрү өттү 515 0

Архив

Комментарийлер (17)

toolos1982

2018-10-15 21:17:57

Көздөрүн коргозбой койгонунар кантет эч ким тааный албайтго

Dalil

2018-10-15 21:29:01

Мындайларга эл душманы деген наам берип, кара жумуштарга тартыш керек. Жасаган кылмышы үчүн түрмөдө баккан да болбойт буларды. Азоо атты жемин азайтып оор жумушка тартса жоошугандай буларды аябай иштетиш керек

nur...nur.

2018-10-15 21:33:44

Кыргыздар озубузго озубуз кыйынбызда арам тамактар козун ачып эле койгулада тартсанар

ma2as

2018-10-15 21:37:01

Чындап эле козун ачып кйсонор болмок , Москада булардын колунан азап коргондор , жээ документерин алдыргандар болсо танышаар .

+10

Kyrgyz_bloger

2018-10-15 22:09:19

Кыргыздын душманы кыргыз болгону ото окунучтуу.

Pandora

2018-10-15 22:25:20

Ушундай кылганга кантип журоктору чыдайт экен?

newman

2018-10-15 22:31:33

Мадиярды мен тааныйм. Алар Москвада МТК деген компанияда арендага машина берип иштейт эле. Кыргыздар көпчүлүгү ушул компаниядан машина аренда алып иштечү. Мен да бир ай иштегем. Бирок так акчасын убагында төлөп иштеген үчүнбү айтор жаман жагын байкаган эмесмин. Жана да болгону 1 ай. Бирок тааныш балдар иштечү. Черный жагын эми окуп атам

Pandora

2018-10-15 22:33:28

Паспорттогу суротторду жакындатып караганда 99% жаш балдар экен.

bond02

2018-10-16 00:09:49

Бетин жаап койсо чачынан тааныйбы?

Feiza1982

2018-10-16 02:14:57

Аткыйган силер беттери былтыйып кара турганын ,канча деген адам шооруна калган экенсинер да.

stepboy

2018-10-16 04:52:39

москвада мындайлар толтура э кыргыздар кайда баратабыз аягы эч жакшы болбойт

XOWO

2018-10-16 08:21:58

Өлтүрүп койсо да болчудай экен канчасын какшатты

warcaw

2018-10-16 08:41:04

ХХХХХХХ курсактар тапанча алып ошол менен коркутуп акча талап кылгандар, ХХХХХХХХХХХ

Dinar.raiymjan

2018-10-16 11:53:39

Ар кимдин ырыскысын жей берип чочкодон айырмасы жок го булардын...

Tasma2014

2018-10-16 13:54:50

Мумкун тиги жаткан правалар арендадан карыз болуп калып залогдо жаткан болбосун,мен билгенден жаш балдар аренда машинени алып алып арендасын толой албай манкасы алып документин алдырып койуп акча издеп жургонун коп эле жолу учураткамын

Комментарий калтыруу үчүн өз ысымыңыз менен кириңиз же каттоодон өтүңүз.