Мышыкты темирге байлап, андан кийин атып өлтүргөн видеодогу адам изделүүдө

Өлкө аймагында мышыкты темирге байлап алып, аны атып өлтүргөн адамды издөө иштери жүрүүдө. Бул тууралуу бүгүн, 13-ноябрда SUPER.KG порталына Ички иштер министрлигинен билдиришти.

Маалыматка ылайык, кечээ интернетте белгисиз адам мышыкты темирге байлап алып аны атып жатканы тартылган видео тараган. Видеодо болжол менен 40-45 жаштар чамасындагы киши белгисиз курал менен мышыкты атып өлтүргөн. Ал видеодо: "Азыр карап тургула, мышык өлөт. Дагы бир жолу атабыз, мына өлдү мышык", - деп сүйлөгөн сөздөрү бар.

Видеодо 04KG 580 мамлекеттик номерлүү Daewoo Nexia үлгүсүндөгү унааны да байкоого болот. Такталбаган маалыматтарга ылайык, окуя болжол менен Жалал-Абад облусунда болушу мүмкүн деп айтылууда.

"Видеодогу адамдын аты-жөнүн тактоо, окуя кайсы жерде болгонун аныктоо иш-чаралары жүрүүдө. Учурда ал адам кармала элек", - деп билдиришти ИИМден.

Айта кетсек, Жаза процессуалдык кодексине ылайык, өлкө аймагында жаныбарларга карата мыкаачылык менен мамиле жасагандарга 5 миң сомдон 10 миң сомго чейин айып пул салынат же 120 сааттан 150 саатка чейин коомдук иштерге тартылат.

Автор: Мальвина Уметбекова

18:36 13-11-2018

Жазылуу

РУБРИКАДАГЫ СОҢКУ КАБАРЛАР

17:56 2025-06-15 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 4058 0

15:52 2025-06-15 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 5184 0

15:07 2025-06-15 | Түркүн дүйнө

Израил АКШдан Ирандын Фордо жер астындагы өзөктүк объектисин жок кылууга жардам берүүнү суранды 2147 0

14:46 2025-06-15 | Коом жана турмуш

Блог: Байыркы тарых менен заманбап доор айкалышкан Египет 2205 0

14:15 2025-06-15 | Кылмыштар, кырсыктар

Чүйдө 6 жаштагы кызды сүзүп кеткен айдоочу кармалды 952 0

13:56 2025-06-15 | Коом жана турмуш

Ирандан 29 кыргызстандык Баку аркылуу Бишкекке эвакуацияланды 818 0

Архив

Комментарийлер (8)

bek_tash

2018-11-13 18:38:01

Видеосу жокко?

-1

taalay25

2018-11-13 18:45:50

40-45 эмес андан жаш))

Takesha87

2018-11-13 18:48:12

Видеосу ?

aidinaernur

2018-11-13 21:07:37

Мен кичинемде ккчук багып, кошунабыздын тооктору кирсе кууп бироосун тиштеп койгону учун
Кошуна киши ит менен мышык бир тыйындык зыян келтирсе олтуруш керек деп
Башын балта менен чаап коз алдымда олтуруп салган.
Ушундай закон бар экенин билсем ошондо
Арадан отуз жылдан ашуун убакыт отсо да коз алдыма тартылып кетти ошол окуя

tular

2018-11-13 23:20:03

Азыр опасный болуп калды, туура эмес суйлосонда интернетке чыгып хит болуп кетчу болдун.

XOWO

2018-11-14 09:15:51

кандай белгисиз курал болгону МР 512 4.5(мм) калибр воздушка экенго.
Темболее мышык экен ошого ушунчабы

-3

Rozearh

2018-11-14 09:19:07

Мышык эмес адам өлтүргөндөрдүн канчасы эркиндикте жүрөт го.

binur5

2018-11-14 11:09:25

Адамдар жанылык таппай эле калды тел чыгарып жарыя кылсам деп уят да Эми

Комментарий калтыруу үчүн өз ысымыңыз менен кириңиз же каттоодон өтүңүз.