Кара-Балтада оор кылмыштарга шектелип издөөгө алынган жаранды кармоо учурунда ок атышуу болуп, милиция кызматкери жаракат алды

Кара-Балта шаарында оор кылмыштарга шектелип издөөгө алынган жаранды кармоо учурунда ок атышуу орун алды. Анда бир милиция кызматкери жана шектүү октон жаракат алып, ооруканага жеткирилишти. Бул тууралуу 18-ноябрда Чүй ОИИББинин басма сөз кызматы билдирди.

Маалыматка караганда, 2017-жылдын 11-мартында милиция кызматкерлери Сосновка айылына бара жатып түнкү саат 01:40тар чамасында Хонда Одиссей унаасын көрүшөт. Унаанын айдоочусу 1989-жылы туулган А.Сулаймановго таандык айдоочулук күбөлүктү көрсөткөн. Мал уурулукка катыштыгы бар же жоктугун аныктоо үчүн алар Жайыл райондук ички иштер бөлүмүнө жөнөшөт. Жолдо бара жатканда айдоочу милиция кызматкерлери менен чогуу жүргөн А.Э. аттуу жаран менен уруша кетип, ага ок чыгарган. Андан соң окуя болгон жерден качып кеткен.

Иликтөө иштеринин жүрүшүндө айдоочу 1986-жылы Жалал-Абад облусунда туулган Т.Шатманов экени, анын бейбаштык боюнча бир нече жолу соттолгону аныкталган. Мындан улам ага издөө салынган.

Иликтөөнүн жүрүшүндө шектүүнүн кайсы жерде жүргөнү боюнча маалымат түшүп, 18-ноябрда саат 06:00дөр чамасында Кара-Балта шаарындагы үйлөрдүн биринде Т.Шатмановду кармоо иштери жүргөн. Ал укук коргоо органдарына каршылык көрсөтүп, ок чыгарган. Анын кесепетинен атайын операциялар отрядынын кызматкери жарадар болгон. Шектүү да октон жаракат алган.

Т.Шатманов бейбаштык, Бишкекте укук коргоо органдарынын кызматкерлерин өлтүрүүгө аракет кылуу кылмыштарына шектелип жатат.

Автор: Айпери Ганыжан кызы

17:36 18-11-2018

Жазылуу

РУБРИКАДАГЫ СОҢКУ КАБАРЛАР

17:56 2025-06-15 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 4058 0

15:52 2025-06-15 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 5184 0

15:07 2025-06-15 | Түркүн дүйнө

Израил АКШдан Ирандын Фордо жер астындагы өзөктүк объектисин жок кылууга жардам берүүнү суранды 2147 0

14:46 2025-06-15 | Коом жана турмуш

Блог: Байыркы тарых менен заманбап доор айкалышкан Египет 2205 0

14:15 2025-06-15 | Кылмыштар, кырсыктар

Чүйдө 6 жаштагы кызды сүзүп кеткен айдоочу кармалды 952 0

13:56 2025-06-15 | Коом жана турмуш

Ирандан 29 кыргызстандык Баку аркылуу Бишкекке эвакуацияланды 818 0

Архив

Комментарийлер (5)

dastan.bujun

2018-11-18 17:38:24

Коркунучтуу кылмышкер экен

Asat17

2018-11-18 18:31:00

Бул уй жай кимге таандык болду экен.

baltabaev

2018-11-18 18:46:52

Биздикилер атканды эмес пара алгандан башканы билишпейт,колунда курал барбы ат нарака

Boha1

2018-11-18 19:40:59

Кармалдыбы же дагы качып кеттиби?

Feiza1982

2018-11-19 03:12:18

Тоок урдады кой урдады деп сабап күнөөнү моюнга илип сабаганды билесинер анан минтип ай балтасы мн эл арасында чоң кылмыш кылып жүргөндөрдү көзүнөр көрбөй кулагыңар укпай калганын кантейин!!!

Комментарий калтыруу үчүн өз ысымыңыз менен кириңиз же каттоодон өтүңүз.