Ташкентте тарых мугалимин cабаган 14 мектеп окуучусу жазага тартылды

Ташкентте тарых мугалимин ур-токмокко алган 14 окуучу жазага тартылды. Бул тууралуу бүгүн, 19-ноябрда жергиликтүү маалымат каражаттары жазып чыкты.

Маалыматка ылайык, окуя Учтепин районундагы жалпы билим берүүчү №236-мектепте 27-октябрь күнү орун алган. Анда тарых сабагында мамлекеттик гимн ырдалып жаткан учурда 11-класстын окуучулары аны шылдыңдап башташкан. Ага мугалим бир нече жолу эскертүү берген, бирок окуучулар ага баш бербей, аны ур-токмокко алышкан. Натыйжада мугалим бир нече жеринен жаракат алып, ооруканага жеткирилген.

Бул окуя боюнча атайын комиссия дайындалып, мугалимди сабаган окуучуларды жазага тартуу чечими кабыл алынган.

"Мыйзамга ылайык, мектеп окуучуларына карата бир гана чара көрүлүшү керек. Биз алардын ата-энелерине айып пул салып же окуучуларды каттоого алуу менен аларды атайын жайга жөнөтө алабыз. Аларды абакка жиберүү үчүн балдар каттоого алынышы керек. Айып пул салуу өтө жеңил жаза болуп калат. Ошол себептен 14 окуучуну ички иштер органдарынын көзөмөлүндө атайын жайда кармоо чечими кабыл алынды", - деп айтылат маалыматта.

Автор: Мальвина Уметбекова
Фото: Мальвина Уметбекова