Ноокатта эки унаа сүзүшүп, 48 жаштагы айдоочу каза болду

Ош облусунун Ноокат районунда жол кырсыгынан 48 жаштагы айдоочу каза болду. Бул тууралуу облустук Жол кыймылынын коопсуздугун камсыздоо бөлүмү билдирди.

Маалыматка ылайык, жол кырсыгы 18-ноябрда саат 16:00 чамасында Кызыл-Булак айылында болгон.

"Ноокат районунун 50 жаштагы тургуну Р.С. өзүнүн Мерседес-Бенц үлгүсүндөгү унаасы менен Кызыл-Булак айылында келе жатып, карама-каршы багыттагы Дэу Тико үлгүсүндөгү унаасы менен сүзүшкөн. Ал эми Дэу Тико унаасын 48 жаштагы М.А. айдап бара жаткан. Кырсыктын кесепетинен Дэу Тико унаасынын айдоочусу Кызыл-Кыя шаардык ооруканага жетпей жолдо каза болгон. Ал эми Мерседес-Бенц унаасынын айдоочусу Кызыл-Кыя шаардык ооруканасына жеткирилген. Учурда кырсык боюнча Ноокат РИИБинин кызматкерлери териштирүү иштерин жүргүзүүдө", - деп билдирет басма сөз кызматкери.