"Делбирим" тасмасынын продюсери башкы каармандарды ойногон актрисалар эмне үчүн Кыргыз өлкөсүнөн тандалганын айтып берди

"Делбирим" тасмасынын продюсери Паризат Жакыпбекова киного эмне үчүн актрисалар кыргыз тараптан тандалып алганын түшүндүрдү.

Жакыпбекованын айтымында, "Кызыл жоолук жалжалым" чыгармасы тасмада эч өзгөртүлбөй чагылдырылган.

"Биз өзбек кинематографиясына кино тартуу боюнча кайрылганыбызда алар Чыңгыз Айтматовдун чыгармаларынан тасма тарталы деген сунушту айтышты. Биз да колдодук. Эмнеге "Делбирим?" Анткени тасмада сүйүү бар, ал эми сүйүү деген бүтпөгөн тема эмеспи, биз дагы алгачкы тасманы сүйүүдөн баштоону чечтик. Ошол себептен ушул тасма тартылды.

Тасмага кыргыз актрисалары жана өзбек актёрлору тандалганда кыргыз мырзалары кызганыч менен карашты. Чынын айтканда мага карата коркутуулар да болду. Эми биздин жазуучубуз чыгарманы улутка бөлүп жазган эмес. Балким, келечекте бул кинодогу баш каармандын ролун америкалык актёр, актрисалар жаратышы мүмкүн. Андыктан ызы-чуу жаратуу туура эмес деп ойлойм. Аселдин ролуна 50гө жакын актрисалар кастингге келишкен. Иргелип жатып аягында эки гана актриса калган. Аселдин ролун профессионалдуу бардык жагынан төп келген актриса ойношу керек болчу. Тасманын режиссёру Сарвар Каримов кастингди өз көзөмөлүнө алып, эки тараптын көркөм кеңешинин тандоосу менен Мадина Талипбек тандалды.

Ал эми "Элина Абай кызы эмнеге Аселдин ролун жараткан жок" деген суроолорго жооп бере кетсем, Элина Абай кызы, биринчиден, Кадичанын ролун абдан мыкты деңгээлде аткарды. Экинчиден, бул ролго Элинанын жашы туура келген жок. Ал да Аселдин ролуна кастингге келген, бирок жаш көрүнгөнү менен тасмада Аселдин жаш кезиндеги образына туура келбей калмак. Бул жагына басым жасалганда Мадинанын курагы да туура келип тандалды. Бирок Элина бул жолку тасмада терс каарманды аткарып, дагы бир жолу профессионалдуулугун көрсөтө алды десек болот.

Ташкентте "Делбиримдин" бет ачары болуп жатканда режиссёр Сарвар Каримов мага келип "Мен Мадинадай актрисаны Өзбекстанда таба алышым мүмкүн беле? деп суроо салды. Ал сөздү мен Мадина "Мыкты актриса" деп аталгандан кийин түшүндүм", - деди Жакыпбекова.

Автор: Айсалкын Качкынбекова

13:24 04-12-2018

Жазылуу

РУБРИКАДАГЫ СОҢКУ КАБАРЛАР

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 36 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 642 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 836 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 991 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 474 0

17:12 2025-05-08 | Коом жана турмуш

“Мектепке кирүү, ооруканага баруу кыйын болуп калат” дейт 14 жаштагы Аруужан (видео) 970 0

Архив

Комментарийлер (12)

kansuluu

2018-12-04 13:35:10

Азаматсыздар!дагыда Ч.Айтматовдун чыгармаларынан кино тартуунуздарды кандайсын!

kansuluu

2018-12-04 13:46:02

kansuluu,каалаймын!

anash

2018-12-04 13:54:00

эн туура актерлор мыкты озунун кесибин билген и актрисаларда...анан не тамашоунун балдарын тарсынбы сабатсыздарды кинонун баркын кетирип..

+10

aizira

2018-12-04 13:59:59

Эмнеге кыргыз жигиттери чычалашат. Наоборот сыймыктанышпайбы чынгыз атабыздын кинолорун коншулаш мамлекеттер кызыгып тартып жатканын

AIA-TOO

2018-12-04 14:10:01

Өзбек жигиттери жагып калганго биздин айымдарга)).

-8

naida81

2018-12-04 15:36:28

AIA-TOO,бул эмне дегендик...

Aiymkunumjyldyzym

2018-12-05 22:23:16

AIA-TOO,kep jagyp kalgan da emes,bul da bolso kinonun ozgocholugu

nazarnew

2018-12-04 14:22:47

Мурунку советский жамийланы Наталья Аринбасарова аткарган бул жерде улут важно эмес го дейм, мисалы гректердин кинолорун америктер тартып жүрүшөт го. Кино Совет маалында болгон, так что улут не важно ким тартылса да.главная кино жакшы чыкса болду.муну эртең увидемся.

admin_superstan

2018-12-04 15:53:37

kani-esen, адамдын кадыр-баркына шек келтирген билдирүү жазууга тыюу салынган. Эскертүү!

zzz---zzz

2018-12-04 16:37:59

Кино жакшы тартылган бирок калпак эмес допу кийип алганы иренжитти

Jyldyz16

2018-12-04 16:58:42

Озбек актер жигити (азыр улгайып калды) кыргыз киносуна тартылган бир фильмден коргом.

ilgiz-kg01

2018-12-07 01:48:38

Мен кино тартсам делбиримди Голливуд актёрлорун тартмакмын

Комментарий калтыруу үчүн өз ысымыңыз менен кириңиз же каттоодон өтүңүз.