Жумгалда окуучунун өлүмү боюнча 14 жаштагы эки өспүрүм камакка алынды

Нарын облусунун Жумгал районундагы эки айылдын окуучуларынын ортосундагы мушташта каза болгон 8-класстын окуучусунун өлүмү боюнча эки окуучу камакка алынды. Бул тууралуу бүгүн, 12-декабрда Нарын ОИИБинин басма сөз кызматы билдирди.

Маалыматка ылайык, 14 жаштагы эки өспүрүм 11-декабрда камакка алынган.

"Кызыл-Жылдыз айылынын окуучулары камакка алынды. Аларга карата Кылмыш-жаза кодексинин 104-беренеси (саламаттыкка атайылап оор зыян келтирүү) боюнча иш козголуп, тергөө иштери башталды", - деп билдирет басма сөз кызматкери.

Эске салсак, 9-декабрда Нарын облусунун Жумгал районундагы эки айылдын окуучуларынын ортосунда мушташ чыгып, 8-класстын окуучусу каза болгон.