Индонезияда суу ташкынынан 60тан ашуун адам каза болду

Индонезияда суу ташкынынан 60тан ашуун адам каза болду. Бул тууралуу Индонезиянын табигый кырсыктарды алдын алуу агенттигине таянып чет элдик маалымат булактары жазып чыгышты.

"22-декабрь күнү кечинде каптаган цунаминин кесепетинен кеминде 62 адам каза болуп, 20дай адам дайынсыз болууда. Мындан сырткары 430 үй, жана бир нече мейманканалар кыйрап, 584 адам жабыркады", - деп айтылат маалыматта.

Айрым маалыматтарга караганда, ташкындын пайда болушуна 1983-жылы атылган Анак-Кракатау жанар тоосунун кайра жанданышы себеп болушу мүмкүн.

Индонезиялык басма сөз каражаттары билдиргендей, азыркы учурда өлкөдө өзгөчө кырдаал жарыяланып, куткаруу иштери журуп жатат.

Автор: Бекболот Сарыбаев