Кеминде 11-класстын окуучусу сууга чөгүп каза болду

Чүй облусунун Кемин районунда 11-класстын окуучусу сууга чөгүп каза болду. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, Кемин районунун Тегирмен айылынын тургуну 11-класстын окуучусу Чоң-Кемин дарыясына чөгүп кеткен.

"Бизге маалымат 24-декабрда саат 23:53тө "102" кызматы аркылуу кабарланды. Биздин кызматкерлер окуя болгон жерге барган учурда айылдын жашоочулары чөгүп кеткен окуучунун жансыз денесин табышканы маалым болду. Башкача айтканда, айылдагы жашоочулар бул фактыны тийиштүү тарапка кеч маалымдашкан", - деди басма сөз кызматкери.

Автор: Айсалкын Качкынбекова