Ысык-Көлдө 2 жаштагы наристе шымына сийип койгону үчүн катуу сабалып, ооруканадан чарчап калган окуя боюнча тергөө аягына чыга элек

Ысык-Көл облусунда 2 жаштагы наристе шымына сийип койгону үчүн катуу сабалып, кийин ооруканадан чарчап калган окуя боюнча тергөө иштери аягына чыга элек. Бул тууралуу бүгүн, 13-январда SUPER.KG порталына Ысык-Көл ОИИБинин басма сөз кызматынан билдиришти.

Белгилүү болгондой, 23-декабрь күнү болжол менен саат 12:00 чамасында Жети-Өгүз райондук ооруканасына 2 жаштагы наристе денесиндеги ар түрдүү жаракаттары менен келип түшкөн. Кийин ал жандандыруу бөлүмүндө чарчап калган. Бул кылмышка шектүү катары наристенин таежеси кармалган. Ал соттун чечими менен 2 айга камакка алынган.

"Бул окуя боюнча тергөө амалдары аягына чыга элек. Учурда кылмышка шектүү камакта отурат. Тергөө аягына чыгары менен иш сотко өткөрүлөт. Баланын апасы Орусиядан келгени тууралуу маалымат түшкөн, бирок милицияга кайрылган эмес", - деп билдиришти милициядан.

Окуянын чоо-жайына кайрылсак:

Баланын апасы 21 жашта. Ал жолдошу менен ажырашып, Орусиянын Москва шаарына иштөө үчүн 12-декабрда кеткен. Ал эми баласын бир тууган эжесине таштаган. Шектүү катары кармалган наристенин таежеси алгачкы көрсөтмөдө баланы шымына сийип койгондугу үчүн сабаганын айткан. Ал баланы чымчып жана далысына бир-эки жолу чаап, төшөккө ороп жаткырып койгон. Бир аз убакыт өткөндөн кийин баланын абалы начарлаганын байкап ооруканага алып келген. Бул факт боюнча алгач Кылмыш-жаза кодексинин 234-беренеси (бейбаштык) беренеси менен кылмыш иши козголгон. Кийин козголгон кылмыш ишиндеги берене өзгөртүлүп, кылмышка шектүүгө 104-берене (саламаттыкка атайылап оор зыян келтирүү) боюнча айып тагылган.

Автор: Мальвина Уметбекова
Фото: Мальвина Уметбекова

18:18 13-01-2019

Жазылуу

РУБРИКАДАГЫ СОҢКУ КАБАРЛАР

00:28 2025-06-14 | Коом жана турмуш

Бишкекте мамлекеттик номери жок унаа башкарган айдоочу кармалды 328 0

23:27 2025-06-13 | Коом жана турмуш

"Айылда, шаарда да мүмкүнчүлүктөр бар". Гарвардды аяктаган кыргыз кызы Севара менен маек 839 0

22:28 2025-06-13 | Коом жана турмуш

Бишкектеги жаңыланган «Алга» спорттук комплексинен фоторепортаж 567 0

22:25 2025-06-13 | Кылмыштар, кырсыктар

Кара-Кулжада келиндин өлүмү: Блогер Бауржан Абдумаликов кармалды 1790 0

21:48 2025-06-13 | Коом жана турмуш

Бишкекте «Алга» спорттук комплексинин ачылыш аземи өтүүдө (фото) 607 0

21:16 2025-06-13 | Саясат

Экс-депутат Абдыкапар Султанов дүйнөдөн өттү (некролог) 1621 0

Архив

Комментарийлер (1)

Pandora

2019-01-13 22:20:40

Тим эле өздөрү тже өзүнүн балдары шымына сийбейгендейго.... Өкүнүчтүү... Күн алыс жаш балдардын, чоңдор тарабынан сабалып,каза болгону. Жоопкерчилик жок! Чыдасаңар анан жоопкерчиликти моюнга алгыла , колуңардан тезек келбегенден кийин,не кыласыңар алып калып.

Комментарий калтыруу үчүн өз ысымыңыз менен кириңиз же каттоодон өтүңүз.