Кирүү

Сыр сөзүм кандай эле? Каттоо

Бишкектин мурдагы мэри Албек Ибраимовдун соттук иши Октябрь райондук сотунда каралды

Бишкек шаарынын мурдагы мэри Албек Ибраимовдун үстүнөн козголгон кылмыш иши боюнча соттук отурум Октябрь райондук сотунда каралды.

Сот залына Албек Ибраимовду алып келишти. Аны менен бирге айыпталгандар, ошондой эле жактоочулары катышты.

Жактоочулардын баары эмне үчүн иш Биринчи Май райондук сотуна эмес, Октябрь райондук сотуна берилип кеткенине кызыгышты. Ибраимовдун ишинде жалпы 9 айыпталуучу бар, алардын арасынан Ибраимовдон башкасынын баары үй камагында.

Ишти карап жаткан судья соттук иш 28-декабрда прокуратурадан келип түшкөнүн маалымдап, жактоочулар андан кабардар болуп турушу керек болгонун айтты. Жактоочулар судьянын которулганын кечээ, 14-январда гана билишкенин айтышты.

Бүгүнкү отурумда уюштуруу маселелери каралып, судья ишти дүйшөмбү жана шаршемби күндөргө белгиледи.

Окуянын чоо-жайына кайрылсак:

Албек Ибраимовго карата 2018-жылдын май айында “ишенип берилген мүлктү ыйгарып алуу же жок кылуу” беренеси боюнча кылмыш иши козголуп, бул иш экс-мэрдин “Дастан” ишканасын жетектеп турган мезгилге байланыштуу экендиги айтылган. Июль айында ал ушул эле кылмыш ишинин негизинде камакка алынган. Кийинчерээк Ибраимовго карата “коррупция” беренеси боюнча жаңы айып угузулган. Анда ал Бишкек шаарынын түштүк аймагында жайгашкан муниципалдык жер тилкелерин мыйзамсыз сатууга айыпталууда.

Автор: Жамалидин Парманкулов
Фото: Жамалидин Парманкулов

10:51 15-01-2019

Тектеш кабарлар:

Экс-мэрлер Кулматов менен Албек Ибраимовдун иши Бишкек шаардык сотунда карала баштады

Экс-мэрлердин соттук иши: Соттук отурум жактоочу келбей калгандыгына байланыштуу жылдырылды

Экс-мэрлердин соттук иши: Бүгүнкү отурумда 6 айыпталуучу суралды

Албек Ибраимовдун соттук отуруму белгисиз мөөнөткө жылдырылды

Укук коргоочу: "Сот отурумунда Кубанычбек Кулматов, Албек Ибраимовго аялдары жана балдары менен учурашууга уруксат берилген жок"

Экс-мэр Албек Ибраимовдун жубайы: "Соттун адилеттүү чечим чыгарышына көзүбүз жетпейт"

Бишкекте экс-мэрлер Кубанычбек Кулматов менен Албек Ибраимовдун соттук ишин Аида Саляновага карата чечим чыгарган судья кароодо

Ленин райондук сотунда Кубанычбек Кулматов менен Албек Ибраимовдун соттук отуруму өтүүдө

Экс-мэрлердин соттук иши: Тɵрт айыпталуучу суракка алынды

УКМК орун жетишсиз деп экс-мэрлер Кулматов менен Ибраимовду СИЗО-1ге которууну сунуштады

РУБРИКАДАГЫ СОҢКУ КАБАРЛАР

23:41 2025-06-09 | Кылмыштар, кырсыктар

УКМК Жалал-Абадда менчикке мыйзамсыз өткөн жер тилкелери боюнча маалымат берди 124 0

22:58 2025-06-09 | Кылмыштар, кырсыктар

Бишкектеги клубдардын биринин ди-джейи кармалды (видео) 516 0

22:18 2025-06-09 | Саясат

Элчи Руслан Казакбаев Чехиянын Түркиядагы элчиси менен жолукту 149 0

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 447 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 542 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 469 0

Архив

Комментарийлер (2)

Bazake

2019-01-15 10:57:54

Албек Ибраимов Атамбаевдин доорунда кызарган жердин баарын ээлей бериптир.

0

Erik2018

2019-01-15 11:06:07

Ибаримов беш колун казынага салып, жерлерге ээлик кылып жүрө бериптир. Байкуш кыргыз эли 5 сотых жерге жептей жатса, бул гектарлап ээлеп алыптыр.

0

Комментарий калтыруу үчүн өз ысымыңыз менен кириңиз же каттоодон өтүңүз.