Аламүдүн районунда жол кырсыгынан улам 1 жашар бала каза болду

19-июль күнү Аламүдүн районунда жөө жүрүүчүлөр өтүүчү жолдо жогорку ылдамдыкта бара жаткан унаа жол кырсыгына кабылган. Бул тууралуу Чүй ОИИББинин басма сөз кызматы билдирди.

Маалыматка ылайык, болжол менен саат 16:00дө Көк-Жар жана Кара-Жыгач айылдарынын ортосунда Хонда СРВ үлгүсүндөгү унаанын айдоочусу, 43 жаштагы Жалал-Абад облусунун А.Б. аттуу тургуну жөө жүрүүчүлөр өтүүчү жолдо жогорку ылдамдыкта бара жатып 1 жашар баланы сүзүп алган. Кырсыктан жабыр тарткан бала борбордук ооруканалардын бирине жаткырылган. Дарыгерлер бардык аракетин жумшаганы менен, жаш баланы сактап калууга мүмкүн болгон жок. Учурда иликтөө иштери жүрүүдө.

Автор: Ширин Турдакунова