Аламүдүндөгү 3 адамдын өмүрүн алган өрт. Айыл өкмөтүнүн кызматкери келиндин да, балдарынын да сөөгү унаа коюучу жайдан табылганын айтты

Бишкектин четиндеги Таш-Дөбө айылында турак үй өрттөнүп, анда жашаган келин, анын 2 жана 10 жаштагы балдары каза болду. Маалыматты алгач ӨКМ кабарлап, Чүй ОИИББинин басма сөз кызматы келин үйдү өзү бензин куюп өрттөгөн деген билдирүүнү таратты. SUPER.KG порталы окуя болгон жерге барып, оор жоготууга учураган үй-бүлөнүн кошуналарына жолукту. Таш-Дөбө айыл өкмөт башкармалыгынын кызматкери каза болгон келин бир жума мурун күйөөсү менен келип, кайын энеси үйдөн чыгып кеткиле деп жатканын айткан.

"Бир жума мурун Мээрим да, Игорь да айыл өкмөт башкармалыгына келишкен. Мээрим кайын энеси үйдөн чыгып кет деп жатканын айткан. Буларга тиешелүү болгон жер тилкесин кайын энеси сатып жибериптир. Ошону кайтарып алууга мүмкүнчүлүк бар же жок экенин билгени келишиптир.

Жубайлардын экөөндө тең майыптыгы болгондуктан аларга ай сайын жөлөк пул берилчү. Бирок акчаны кээде эле өздөрү алып кетпесе, көпчүлүк учурда кайын энеси алып кетчү. Игорь ун чыгарган жайда жумушчу болуп иштейт. Балдарын эч нерседен кем кылбай багышчу. Бул үй-бүлө тууралуу жалаң гана оң пикирлерди айта алабыз.

Дагы бир кызык жагдай - булар жашап жүргөн бөлмөдөн эмес, унаа коюучу жайдан өрт чыккан. Келин менен балдарынын сөөктөрү да унаа коюучу жайдан табылды. Өрттөнүп жаткан жайга кантип баары кирип калышканы түшүнүксүз. Балким, чындап эле келин балдарын унаа койгон жайга алып кирип, өзү өрт койгон болушу мүмкүн", - деди айыл өкмөт башкармалыгынын кызматкери.

Чүй облусуна караштуу Аламүдүн районунун Таш-Дөбө айылындагы турак үйлөрдүн биринде өрт чыгып, анын кесепетинен 3 адам каза болгон. Анда жыгач устундуу кампанын жана гараждын чатыры күйгөн. Өрттүн кесепетинен 3 адам каза болгон. Алар 1985-жылы туулган А.М.Д. аттуу аял киши (үй кожойкеси) жана 2017-жылы туулган К.М.И., 2009-жылы туулган К.Е.И. аттуу балдар болушкан.

Чүйдө келин 2 баласы менен өрттөн каза болду. “Ал өзүн-өзү өрттөшү мүмкүн” дейт кошуналары

Автор: Бекболот Сарыбаев

21:53 13-02-2019

Жазылуу

РУБРИКАДАГЫ СОҢКУ КАБАРЛАР

00:28 2025-06-14 | Коом жана турмуш

Бишкекте мамлекеттик номери жок унаа башкарган айдоочу кармалды 328 0

23:27 2025-06-13 | Коом жана турмуш

"Айылда, шаарда да мүмкүнчүлүктөр бар". Гарвардды аяктаган кыргыз кызы Севара менен маек 839 0

22:28 2025-06-13 | Коом жана турмуш

Бишкектеги жаңыланган «Алга» спорттук комплексинен фоторепортаж 567 0

22:25 2025-06-13 | Кылмыштар, кырсыктар

Кара-Кулжада келиндин өлүмү: Блогер Бауржан Абдумаликов кармалды 1790 0

21:48 2025-06-13 | Коом жана турмуш

Бишкекте «Алга» спорттук комплексинин ачылыш аземи өтүүдө (фото) 607 0

21:16 2025-06-13 | Саясат

Экс-депутат Абдыкапар Султанов дүйнөдөн өттү (некролог) 1621 0

Архив

Комментарийлер (2)

madina.87

2019-02-14 01:27:07

Кулагы да жакшы укпаса,кайненеси кууп ,үйү жок калса бул адилетсиз жашоодон кетейин деген окшойт бейиши болгур.Балдарын жаман кайын энесине ыраа көрбөй ала кетиптир да,(((((((

Adi010891

2019-02-15 21:03:19

Кайын энесин жоопко тартыш керек

Комментарий калтыруу үчүн өз ысымыңыз менен кириңиз же каттоодон өтүңүз.