Чопо чоор, комуз жана гитаранын коштоосундагы жандуу ырлар. Джонни жеке концертинде эки саат тынымы жок обон созду

Джонни "Күттүм, ай" деген ыры менен элге таанылган.

Концертке ырчынын апасы да келди

Акын Акбар Кубанычбеков ыр окуп берди

"Күттүм, ай" ырын видеого тартып гана тим болбостон ордунан тура калып бийлеп жатышты.

Пианинодо

Ар бир ырын жандуу үн менен ырдап жатты.

Комуз чертип элдик ырларды аткарууда.

Коштоп ырдагандар.

Саксофончулар.

Жоннинин бир тууган агасы менен карындашы. 14-февраль экөөнүн тең туулган күнү экен.

Чопо чоор менен

Жоннинин ырын сүйгөн күйөрмандары.

Абир Касенов менен дуэт ырдап жатат.

Зал өтө чоң болбогону менен бош орундуктар болгон жок.

Бир жыл мурун гана "Күттүм, ай" деген ыры менен Кыргыз сахнасына баш багып, ошол ыры менен элге таанылган ырчы Джонни 14-февралда Бишкекте алгачкы жеке концертин өткөрдү. Жоннинин чакыруу баракчасында чакырылган ырчы достору менен бирге 20 ыр ырдалары жазылганы менен 2 саат аралыгында дээрлик өзү гана ырдап турду. Албетте, айрым учурда ырчылар Сайкал Садыбакасова, Абир Касенов сыяктуу сахналаш достору менен дуэт аткарды.

Джонни кечеде ар бир ырды жандуу үн менен ырдап гана тим болбостон чопо чоор үйлөп, комуз, гитара чертип, пианинодо кол ойноткону көпчүлүктү кубантты. Мындан улам ар бир ыры аткарылган сайын өзгөчө кол чабуулар болуп жатты. Анан да элдин суранычына да орун берип Кыргыздын жана чет элдик белгилүү ырларды аткарып бергени өзгөчөлүктү жаратты.

Ырчы концерт башталганга чейин айткан сөзүнө караганда тушоо кесүү концертин өткөрүүгө дээрлик жарым жыл даярданган. Концерт өтө жогорку деңгээлде өткөрүлгөндүктөн улам келген эл Джонни сахнадан өзү басып кетмейинче күтүп турду.