УКМКнын мурдагы жетекчиси Мурат Суталиновдун абактан бошотуу маселеси райондук сотто каралып жатат

Бүгүн, 15-февралда 2010-жылдын апрелиндеги окуядан кийин соттолгон УКМКнын ошол учурдагы төрагасы Мурат Суталиновду абактан бошотуу маселеси Ленин райондук сотунда каралууда.

Учурда сот залына Суталинов алып келинип, аны абактан бошотууга макулдук берген комиссиянын мүчөлөрү суралып жатат.

Мурат Суталинов 2006-2010-жылдары УКМКны башкарган. Ал "2010-жылы 7-апрелде митингге чыккан адамдарга каршы курал колдонгон жана кызмат абалынан ашыкча пайдаланган" деген айыптын негизинде 20 жылга соттолгон.

Улуттук онкология борборунун химиотерапия бөлүмүнүн жетекчиси Турусбек Абдылдаев сот залында суралып, Суталинов бөйрөктүн 4-даражады рагы менен жабыркаарын айткан.

Автор: Жамалидин Парманкулов