Индияда эки аскер учагы сүзүшүп, учкуч каза болду

Индиянын Карнатака штатында эки аскер учагы сүзүшүп, учкуч каза тапты. Бул тууралуу жергиликтүү маалымат каражаттары жазып чыкты.

Маалыматка ылайык, кырсык кечээ, 19-февралда жергиликтүү убакыт боюнча 11:50дө орун алган. Анда Индиянын аскер аба күчтөрүнө таандык “Сурья Киран” авиациялык-пилотаждык топтун эки аскер учагы сүзүшкөн. Учурда кырсыктын келип чыгуу себептери аныкталууда.

“Кырсыктаган эки учак 18-февраль күнү да учууларга чыккан. Бирок ал күнү эч кандай көйгөйлөр жаралган эмес. Эки учкуч аман калып, бирок көптөгөн жаракаттарды алган. Ал эми бир учкуч каза болуп калган" - деп айтылат маалыматта.

Автор: Мальвина Уметбекова