Кайрадан көтөрүлгөн картошка маселеси боюнча айыл чарба министри: "Баага эч ким кепилдик бере албайт. Мен дагы, сиз дагы, премьер-министр дагы"

Бүгүн, 22-февралда Жогорку Кеңеште "Республика-Ата Журт" фракциясы жазгы талаа иштерине даярдыктын жүрүшү боюнча маалымат угууда.

Фракциянын отурумунда 2019-жылы жазгы талаа иштери боюнча министрдин маалыматы угулуп, бир нече депутат "Картошка сатууда жаралган көйгөй дагы кайталанбайбы, төө буурчакка болгон баа дагы түшпөйбү?" деген суроолорду узатты.

Буга айыл чарба, тамак-аш өнөр жайы жана мелиорация министри Нурбек Мурашев: "Баага эч ким кепилдик бере албайт. Мен дагы, сиз дагы, премьер-министр дагы. Аны бир Кудай билет", - деген жоопту узатты.

Автор: Мальвина Уметбекова