Ошто аялын 500 сом үчүн сабап өлтүргөн шектүү анын жансыз денесин эки күн үйүндө кармап жаткан

Ош шаарында аялын сабап өлтүрдү деп шектелген жаран эки айга камакка алынды. Бул тууралуу Ош ШИИБинин басма сөз кызматы билдирди.

Маалыматка ылайык, Ош ШИИБи Кылмыш-жаза кодексинин 138-беренеси (адам өлүмүнө алып келген денеге оор залал келтирүү) менен иш козголгон. Шектүү аялынын жансыз денесин эки күн бою эч бир тийиштүү жерге кайрылбастан үйүндө кармап жаткан.

"Алгачкы тергѳѳ иштери кѳрсѳткѳндѳй, ушул жылдын 19-февраль күнү Ош шаарынын Ак-Тилек кичи районунун тургуну Э.А. ѳзүнүн 35 жаштагы аялы М.Г. менен чырдаша кетип, аны ур-токмокко алган. Натыйжада жабырланган аялы оор абалда диванга жаткан боюнча каза болуп калган. Кылмышка шектүү Э.А. өз түшүндүрмөсүндө аялы ошол күнү апасынан 500 сом акча алып чыгып кеткендигин жана келгенде ал акчаны эмнеге коротконун сураса айтпагандыгын, ошондой эле шектүү ошол учурда мас абалда болгондуктан жаңжал чыгып кетип, ургандыгын айткан".

Шектүү аялы каза болуп калса дагы "Тез жардам" кызматын, милиция органдарын чакырган эмес. Кылмышка шектүүдѳн эмне себептен аялынын ѳлүмү тууралуу тиешелүү органдарга кайрылбаганын сураганда сасык тумоо болуп ооруп, билдиргенге мүмкүнчүлүгү болбой калгандыгын айткан.

"Ош шаардык соту кылмышка шектүүнү 2 айга камакка алуу чечимин чыгарды. Учурда тергөө иштери жүрүүдө", - деди басма сөз кызматы.

Буга чейин үй-бүлөлүк уруштан улам 46 жаштагы жолдошу 35 жаштагы аялын сабап койгон. Натыйжада аялы жаткан жеринде каза болуп калган.

Автор: Айсалкын Качкынбекова

20:33 25-02-2019

Жазылуу

РУБРИКАДАГЫ СОҢКУ КАБАРЛАР

11:37 2025-06-12 | Түркүн дүйнө

Гренландияда муз катмары рекорддук деңгээлде ээриди 157 0

11:18 2025-06-12 | Түркүн дүйнө

Лос-Анжелесте коменданттык саатка карабай жүздөгөн демонстранттар тараган жок 242 0

11:12 2025-06-12 | Коом жана турмуш

Баетов – Макмал унаа жолунда асфальт төшөө иштери жүрүүдө 167 0

11:03 2025-06-12 | Түркүн дүйнө

Израиль Иранга сокку урушу мүмкүн 555 0

10:17 2025-06-12 | Маданият, шоу-бизнес

III Бишкек эл аралык кинофестивалы салтанаттуу түрдө ачылды 340 0

10:08 2025-06-12 | Бизнес-Инфо

Биринчи жолу! “Элдик Банктан” Ижара МБ – Бизнес 190 0

Архив

Комментарийлер (5)

mir996

2019-02-26 00:49:09

Окунучтуу, ушундай суук кабарды укканда журок зырылдай турган болуп калды.

raykray

2019-02-26 08:02:27

Уяты жок ичкенине чыдап жашап келе жатса! Арзыбаган акча учун олтуруп

zinagull1996

2019-02-26 10:53:10

Ээ камап салсын нары. Омур бою эркинен ажыратылсын Озубузго ыйман сурайлы.

Akyl78.1501

2019-02-26 11:16:07

Туура кылыптыр эр бул аялдын кудайы

-12

Mikra

2019-02-26 13:12:07

Akyl78.1501,Кечиресинго Аллах жалгыз аялдын Кудайы деген туура эмес,бирок эркектин уруксаты жок эч нерсе кылбаш керек деген туура.Создон жанылбаш керек.Катту тийсе кечир.

-1

Комментарий калтыруу үчүн өз ысымыңыз менен кириңиз же каттоодон өтүңүз.