"Үйлөнгөн оңой экен" деген ырчы Данияр Эрматов чоң сахнадан кимдин "колун сурады?". Алтын медаль менен сыйланган ырчынын концертинен репортаж

"Бишкекте чоң концерт өткөргөнчө үйлөнүп алган оңой" дейт Данияр Эрматов. Ал бул сөздү борбордогу жеке концертинде айтты. Ырчы Данияр Эрматов концертинде жаңы чыгармаларын, жаңы клибинин бет ачарын жасады.

Концерттин өткөн жери: Каба уулу Кожомкул атындагы Спорт ордосу

Концерттин аталышы: Шоу концерт

Алып баруучусу: Шоумен Санжар Мыкыев

Келген коноктор: Кыргыз Республикасынын Эмгек сиңирген артисттери Алтынай Нарбаева, Самара Каримова, ырчылар Нурмат Садыров, Алмаз Шаадаев, Аваз Акимов менен Айдана Дека жана Малика Дина.

Өзгөчө номерлер: Самара Каримова менен аткарылган "Тунук сүйүү", "Апамдын болчу келини"

Ыр, бий менен коштолгон концертке Жогорку Кеңештин депутаттары келишти. Алар ырчыга Ыраазычылык кат тапшырып, чыгармачылык бийиктиктерди каалашты. Мындан тышкары ырчы мырзага "Даанышман аялдар" эл аралык фонду "Жылдын мыкты инсаны" алтын медалын тапшырды. Сыйлыктарды дүңүнөн алган ырчыны куттуктап келгендердин арасында бал шириндер Аваз Акимов менен Айдана Дека болду.

Аваз Акимов: "Даниярдын жан дүйнөсү таза. Дайыма ушул калыбыңдан жазба досум. Айдана менен кыз-жигит болгону орусчаны жакшы өздөштүрүп калдым" деп тамашалуу сөзүн айтты. Алып баруучу "шоу бизнесте "легендарлуу пятерка" бар, ал бүгүнкү концерттин ээси жана анын достору" деп сахнага Алмаз Шаадаевди чакырды.

Концерттин өзгөчөлүктөрүнүн бири Алтынай Нарбаеванын номерин болду. Ырчы Данияр Эрматовдун апасына чыгармачыл уулду тарбиялап чоңойткону үчүн рахмат айтып, гүлүн уулу аркылуу тапшырды. Андан кийин тамашалуу ырлар жаңырып, Айжамал Кабылова жана Гүлнара Калдарова менен биргеликте "Үйлөн иним" чыгармасы жаңырды.

Андан соң сахнага "Тамашоунун" бир нече жолку чемпиону болгон "Универсал" командасынын жигиттери чыгып, келгендерди кыраан каткырыкка бөлөдү. Ырчы күлкү жаратуучулардын бири Сапияга (ред.: Садык Нышанбай уулу) "турмушка чыгууну" сунуштады.

Кезек гитаранын коштоосундагы жандуу ырларга жетти. Ырчы 4-5 чыгармасын аткарып, дүркүрөгөн кол чабууларга ээ болду. Чыгармачылык кеченин соңунда ырчы апасын сахнага алып чыгып ыраазычылык айтып, гүлүн сунду. Апасынын урматына "Апакем" чыгармасын жандуу аткарды.

Кошумчалай кетсек, Данияр Эрматов өзүнүн чыгармачылыгын гана алып кетпестен ырчылыкка кадам таштагысы келген күйөрманын сахнага алып чыкты.

Автор: Бактыгүл Момбекова
Фото: Бактыгүл Момбекова

23:43 01-03-2019

Жазылуу

РУБРИКАДАГЫ СОҢКУ КАБАРЛАР

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 412 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 535 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 683 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 353 0

17:12 2025-05-08 | Коом жана турмуш

“Мектепке кирүү, ооруканага баруу кыйын болуп калат” дейт 14 жаштагы Аруужан (видео) 749 0

16:47 2025-05-08 | Түркүн дүйнө

Абу-Дабиге дүйнөдөгү жетинчи Диснейленд паркы курулат (видео) 674 0

Архив

Комментарийлер (14)

Aruwka.89

2019-03-02 00:07:02

Айдана Дека Нурлан насиптин кастюм шымын кийип алганго)))

+24

Suzak12

2019-03-02 02:55:51

Aruwka.89,жардынго ушул жерде

Skarlett-Skarlett

2019-03-02 00:22:30

Айдананын костюму отстой!Легендарлуу 5 дегени кулкулуу го.

raykray

2019-03-02 03:00:24

Сапиянын колун эми сурап жатса? Боюнда качан болгон???

Jazu90

2019-03-02 03:25:17

Данияр Эрматовго ийгилик.Дагы көөп ырларды ырдап анан үйлөн..

bek_tash

2019-03-02 08:46:25

Нуке брат келебербейт го анан булардын концертине

stimyl.kg

2019-03-02 09:29:54

Бу Самаранар калбайт экенда эч жерден куйушканга кыпчылып,жакса да жакпаса да болсо да болбосо да жанталашып чыга берет экенда.

Shanshieva

2019-03-02 10:44:15

Данияр чыгармачылык ийгилик .Бактылуу бол иним биз сени менен сыймыктанабыз .ырларын соонун.

Baktyluu_bolgum_kelet

2019-03-02 10:51:28

Ийгилик!Ишенип ким болуптур деп кире калыпмын))

aliya-leyla

2019-03-02 11:05:11

Аваз менен Айдана не бал Ширин болуп кетиштиби

nurhan2702

2019-03-02 12:09:56

Кашы жагат да ушул баланын. Ишини ийгилик коштоп журсун. Жаман коздон ,жаман создон алыс болуп эл алдында жаркылдап журо бер,иним.Бактылуу бол!

semizkyz

2019-03-02 13:40:35

Күйөрманы барып барып ага-карындаш,суйгон кызы и уйлончу кызы болуп чыгатда акыр аягы

munar1980

2019-03-02 15:38:16

Чынында Данияр өтө жөнөкөй инсан ийгилик чыгармачылыгыңа.

zinagull1996

2019-03-02 15:39:00

Сонун
Данияр эрматов ж.а самара каримова дует тунук суйуу ырыныздар эн сонун. Жогорку денгээлде ырдалып чыгыптыр. Ийгилик каалайм. Дагы дагы жаны чыгармаларды кутобуз.
Албетте концерт коюу оной эмес. Андан коро той откорсо жарым акчасы кетсе керек.

Комментарий калтыруу үчүн өз ысымыңыз менен кириңиз же каттоодон өтүңүз.