Бишкекте турак үйдөн өрт чыкты

Бишкектеги Свердлов районунун Сеченов көчөсүндө жайгашкан турак үйлөрдүн биринен өрт чыкты. Өзгөчө кырдаалдар министрлигинин басма сөз катчысы Элмира Шерипова SUPER.KG'ге өрттү өчүрүү үчүн кырсык болгон дарекке 2 өрт өчүрүү тобу жөнөп кеткенин айтты. Министрликке өрт тууралуу маалымат саат 18:22де келип түшкөн.

"Алдын ала алынган маалыматтарга караганда, өрт Сеченов көчөсүндөгү турак үйлөрдүн биринен чыккан. Дароо 2 топ жөнөп кетип, учурда өрттү өчүрүү иштерин аткарып жатышат. Толук маалыматты бир аздан кийин беребиз", - деди Шерипова.

Басма сөз катчынын билдиришинче, азырынча кырсыктан жабыркагандар жок.

Автор: Жамалидин Парманкулов
Фото: Гүлжамал Абылкасымова