Өзгөндө өз кызын зордуктаган жаран экспертизанын жыйынтыгында акыл-эси жайында болуп чыкты

Өзгөндө өз кызын зордуктоого шектелген жаранга карата жазалган соттук-психиатриялык экспертизанын жыйынтыгы чыкты. Бул тууралуу SUPER.KG'ге Ош облустук Ички иштер башкармалыгынын басма сөз катчысы Жеңиш Ашырбаев кабарлады.

Басма сөз катчынын айтымында экспертизада шектүү жаран кызын зордуктап жүргөн убакта акыл-эси жайында болгон деген жыйынтык чыккан.

"Шектүү мурда жол кырсыгына кабылып, андан кийин акыл-эси жагынан ооруй турганы аныкталган. Бирок экспертизада анын акыл-эси жайында болгон деген тыянак чыкты. Тергөө иши аяктаганына байланыштуу иш сотко өттү. Ушул же кийинки жумада сот отуруму өтөт. Ал эми жабырлануучу кыз төрөй элек", - деди ал.

Буга чейин шектүү 20-январда кармалып, 2004-жылы туулган кызын зордуктаганын моюнуна алган. Учурда М.кызы М. кризистик борборго жайгаштырылган. Ага психологиялык жана медициналык жардам көрсөтүлүп жатат. Анын 2006- жана 2008-жылы туулган 2 иниси да мектеп интернатына берилди. Балдардын апасы 2013-жылы каза болгон. Атасынын ден соолугунун мүмкүнчүлүгү чектелгендиги, психикалык жактан жабыркап жүргөндүгү айтылып, экспертиза дайындалган.

Автор: Айсалкын Качкынбекова