Таласка кыз ала качып бара жаткан 4 жаран эки айга камакка алынды

Бишкектен Талас облусуна кыз ала качып бараткан 4 жаран эки айга камакка алынды. Бул тууралуу SUPER.KG порталына Бишкек ШИИББинин басма сөз кызматы бүгүн, 29-мартта кабарлады.

Маалыматка ылайык, кармалган жарандарга Кылмыш-жаза кодексинин 175-беренеси (адамды никеге тургузуу максатында уурдоо) менен иш козголуп, сотко чейинки өндүрүшкө алынды.

Окуянын чоо-жайы:

Чүй облусунун Жайыл районуна караштуу Сосновка постунда кыз ала качып бара жаткан 4 жаран жол кыймылынын коопсуздугун камсыздоо бөлүмүнүн инспекторлору тарабынан кармалган. Инспекторлор документ текшерип жатканда машинанын ичинен кыздын кыйкырган үнү угулган. Алар унаанын эшигин ачып жардам сураган кызды көрүшкөн жана кыз аны ала качып бара жатканын айткан. Ошол замат инспекторлор Жайыл РИИБинин ыкчам тобун аталган жерге чакырып, кызды жана аны ала качып бара жаткан балдарды кызматкерлердин колуна өткөрүп беришкен. Ошол убакта Биринчи Май РИИБине дагы маалымат берилген, алар келген соң кармалган жарандар аларга өткөрүлгөн. Ал эми кыз арыз жазган.

Инспекторлордун арасында милиция бөлүмүндө бычакталып каза болгон Бурулай Турдали кызын салып бара жаткан унааны тосуп, Жайыл РИИБинин нөөмөт бөлүмүнө жеткирип барган инспектор Замир Айткожоев да болгон.

Автор: Айсалкын Качкынбекова

18:10 29-03-2019

Жазылуу

РУБРИКАДАГЫ СОҢКУ КАБАРЛАР

11:54 2025-06-10 | Кылмыштар, кырсыктар

Өлкөдө бир суткада 37 өрт кырсыгы катталды 54 0

11:46 2025-06-10 | Коом жана турмуш

Балыкчынын жээгинде грек кудайлары Зевс менен Посейдондун айкелдери пайда болду 154 0

11:45 2025-06-10 | Коом жана турмуш

Кара-Кулжадагы келиндин өлүмүнө байланыштуу кармалган Улановдун агасы мурдагы милиция кызматкери болгон 243 0

11:31 2025-06-10 | Түркүн дүйнө

Дүйнөдөгү эң узун темир жол каттамы ишке киргизилет 213 0

11:24 2025-06-10 | Спорт

Камчыбек Ташиев Өзбекстанды Дүйнө чемпиондугуна чыгышы менен куттуктады 246 0

11:09 2025-06-10 | Түркүн дүйнө

Израиль Madleen кемесиндеги активисттерди өлкөдөн чыгарып жатат 164 0

Архив

Комментарийлер (1)

Kairat1996

2019-03-29 18:13:07

Эн туура. Колдойм. Бул кыргыздын салты деп шылтоо айтып актангандарды дароо камаш керек. Ала качкандай кыз менчик буюм бекен же буроонун менчиги бекен.

Комментарий калтыруу үчүн өз ысымыңыз менен кириңиз же каттоодон өтүңүз.