Адам өлүмүнө шектелип, сот залынан качып кетти делинген жаран камакка алынды

25-мартта Аламүдүн райондук сотунда адам өлүмүнө шектелген жаран сот залынан качып кеткени кабарланган. Ал учурда кармалып, камакка алынганын Чүй райондук сотунун басма сөз кызматынан билдиришти.

"Ал жаран эч кандай качкан эмес. Болгону соттук отурум башка күнгө жылгандан кийин кетип калган. Кайра ошол замат тергөөчү телефон чалганда, кетип калганын айткан. Андан соң милиция кызматкерлери анын келишин талап кылып, камакка алынды", - деди басма сөз кызматкери.

Буга чейин бул кылмыш иши боюнча "адам өлтүрүү" беренеси менен жалпы 4 адам шектелип жатса, экөөнүн баш коргоо чарасы каралып, дагы экөө үйүндө болгон.

Автор: Айсалкын Качкынбекова