Улан Саламатов "Жылдын жаш ишкери" болуп аталды. Эми Кыргыздын намысын Эл аралык сынакта коргойт

"Youth Business Kyrgyzstan" жаштар ишкерлик программасынын алкагында "Жылдын жаш ишкери" аттуу сынак өттү. Бул сынакка 10дон ашуун Кыргыздын жаш ишкерлери катышты.

Сынактын жыйынтыгы боюнча - Улан Саламатов (@ulan_salamatov) жеңишке жетти. Жакынкы учурда ал Колумбиядагы Картахен шаарына барып Эл аралык "Young Entrepreneur of the Year" сынагында - Кыргыздын намысын коргоп келгенге мүмкүнчүлүгү пайда болду.

Улан Саламатов азыркы учурда "Вавилон" Курулуш компаниясынын башкы директору, ошондой эле "Вавилон" ресторанынын жетекчиси жана "Nano Space" робот-техника лабораториясынын уюштуруучусу болуп эсептелинет.

Улан Саламатов - жаштарга активдүү түрдө бизнес ачып жана аны өнүктүрүүгө жардам берет. Акысыз он чакты ийгиликтүү бизнес ачканга жардам берген.

Автор: Айпери Ганыжан кызы