Көрөрмандын коркуу сезимин ойготуп, соңуна чейин түрдүү суроолорду жараткан "Мурас" тасмасы көрсөтүлө баштады

16-апрелде борбордогу кинотеатрлардын биринде "Мурас" тасмасы жабык эшик артында көрсөтүлдү. Аталган тасма Асанбек Кулманбетовдун "Киши жегич кемпир" ("Старуха людоед") чыгармасынын негизинде тартылган.

Тасманын аталышы: "Мурас"
Бет ачары: 16-апрель
Жанры: триллер
Режиссёру: Азамат Шаршенов (Арыков)
Продюсери: Данияр Омурбеков
Ролдордо: Кыргыз Республикасынын Эмгек сиңирген артисти Азиз Мурадиллаев, актёр Аскат Сулайманов, Азамат Шаршенов, өзбек актрисасы Шахзода Матчанова, Тынара Абдразаева, Данияр Омурбеков, ырчы Айпери Кубик кызы жана башкалар.

Тасманын сюжети тууралуу айтсак, фильмде жаш үй-бүлөнүн оош-кыйыш турмушу баяндалат. Келинчеги чет жакка иштөө үчүн кетүүгө аргасыз болот. Күйөөсү арзаныраак батир табыш керек болуп, бир кемпирдин эски үйүн табат. Үй арзан, тынч сезилет. Бирок кошуналары кайып боло баштайт. Кийинчерээк эмнеге кайып болгонун түшүнөт... Тасма андан ары кызып, түрдүү окуялар орун алат. Фильм балдарга сунушталбайт.

Тасманын режиссёру Азамат Шаршенов: "Тасма көптөгөн кыйынчылыктар менен тартылды. Өз максатына жетет деген ойдомун. Ал эми баш каармандын ролуна өзбек актрисасы дагы тартылды. Ал өз ишин мыкты билген, тажрыйбалуу актриса экен. Тандоомо өкүнгөн жокмун", - дейт.

Ал эми Данияр Омурбеков биринчи жолу тасмага продюсер болуп жатканын айтты.

"Мурас" фильминин тартуу иштери ушул жылдын январь айынан баштап старт алып съемкага чейин тартуучу топ 1-2-3-декабрда аншлаг менен кастинг өткөргөн. Кастингге жалпысынан 1000ге жакын адамдар катышкан.

Автор: Бактыгүл Момбекова
Фото: Бактыгүл Момбекова

22:45 16-04-2019

Жазылуу

РУБРИКАДАГЫ СОҢКУ КАБАРЛАР

18:29 2025-05-08 | Маданият, шоу-бизнес

Реп-аткаруучу Улукманапо кырк жылкылуу болду 132 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 176 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 275 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 213 0

17:12 2025-05-08 | Коом жана турмуш

“Мектепке кириш, ооруканага баруу кыйын болуп калат” дейт 14 жаштагы Аруужан (видео) 468 0

16:47 2025-05-08 | Түркүн дүйнө

Абу-Дабиге дүйнөдөгү жетинчи Диснейленд паркы курулат (видео) 478 0

Архив

Комментарийлер (3)

aliya-leyla

2019-04-17 00:59:40

Окуясын угуп эле коркосун го. Кызыктуу окшойт

Adi010891

2019-04-17 07:40:53

aliya-leyla,киносун билбейм, бирок китеби абдан кызыктуу болчу. Бирок КРде эмес Россияда жашайт киши жегич кемпир. Уйун кыргыз балага мурас кылып берет эле. Кемпир жалан жаш бойдок келиндерди гана киргизчу. А тиги кемпир бирде жаш болуп жазанып, бирде кемпир болуп жазанып турчу. Келиндерди адегенде иттине салып берип, итти менен коштуруп, анан озу жечу

tynara81

2019-04-17 10:21:19

Илгери окугам китебин.

Комментарий калтыруу үчүн өз ысымыңыз менен кириңиз же каттоодон өтүңүз.