Кайрат Нуртастын концертинде ырчынын күйөрмандарынын бири анын костюмун, бири бут кийимин кийип кетти

Бишкекте Казакстандын мега жылдызы Кайрат Нуртастын үй-бүлөлүк концерти өттү. Концертте ырчынын жубайы Жылдыз Нуртас, балдары жана иниси бир сахнада күйөрмандарына ырларын тартуулашты.

Концерттин аталышы - Кайрат Нуртас

Концерттин өткөн жери - Каба уулу Кожомкул атындагы спорт ордосу

Концерттин өткөн убактысы - 1-май, саат 19:30

Концерттин алып баруучусу - Азамат Эркинбаев

Мыкты номерлер - "Ламбада", "Көздөр ай", Нарул Нуртастын ыры, Алау Нуртастын бийи

Борбор Азиянын жылдызына айланган Кайрат Нуртас алгач репертуарындагы ырларды жандуу аткарды. Казак ырчысын колдоп кыргыз шоу-бизнесинен Анжелика, Айдана Дека, Чолпон Талипбек жана Амир Аскаров келишти. Ал эми өткөн жылы хит болгон "Күттүм, ай" чыгармасын Джонни менен Кайрат Нуртас биргеликте аткарды.

Концерттин жүрүшүндө Кайрат Нуртас сахнага бир тууган иниси Зангар Нуртасты чакырып, дуэт аткарышты. Андан кийин сахнага ырчынын улуу кызы Сезим Нуртас чыгып фортепианодо ойносо, экинчи кызы Алау Нуртас бий өнөрүн тартуулады. Кайрат Нуртастын күйөрмандарына кыздары гана эмес, баласы Нарул Нуртас дагы талантын көрсөтүп, чыгарма тартуулады. Ал эми ырчынын кенжетайы Хан Нуртас бийи менен атасынын күйөрмандарынын жарымын тартып алды өңдөнөт.

"Кудай мага ушундай адамдан дагы 3 даана берсин. Кыргыз менен куда болоюн. Негизи күйөө бала болоюн дегем" деп тамаша сөздөрү менен залда отургандарды кыраан-каткырыкка бөлөгөн ырчы сахнага жубайы Жылдыз Нуртасты чакырды. Кайрат Нуртас сахнадан жубайына ыраазычылык сөздөрүн айтып, андан соң ырдап, бийлеп сахнада өздөрүн эркин алып жүрүштү.

Кайрат Нуртас ырдап жатканда жаш күйөрманы сахнага чуркап чыкты. Ырчынын күйөрманы каалоо-тилегин айтып, кумиринин костюмун эстеликке сурады. "Үстүмдөгү костюмду апам алып берген. Аны белекке берип койсом болбос. Башка костюмумду берейин. Бирок 3 эле костюмумду алып келгем" деген ырчы күйөрманына бир костюмун кийгизди. Концерттеги дагы бир кызыктуу көрүнүш - ырчы сахнадан курун чечип залда отургандарга ыргытты.

Эне жөнүндө ырдап жатканда залда отурган баланын оозу кыбырап жатканын көргөн ырчы аны сахнага чакырып, "Мендей бол, чоңойгондо киесиң" деп бут кийимин чечип берди.

Концертте ырчынын күйөрмандары сүрөткө түшүп, белектерин бергенге аракет кылышты. Алардын арасында улуу муундун өкүлдөрү, жаштар дагы болду.

Кайрат Нуртас 2017-жылы 26-майда дагы Бишкек шаарында концерт койгон.

Кайрат Нуртас - Жүрөгүңдөн бир орун бер

Кайрат Нуртастын баласы ырдады

Кайрат Нуртастын кызы бийледи

Кайрат Нуртас аялы менен дуэт ырдады

Күйөрмандарына күрмө, кур, бут кийимин белек кылган Кайрат Нуртас үй-бүлөсү менен концерт берди

Автор: Бактыгүл Момбекова
Фото: Бактыгүл Момбекова

22:33 01-05-2019

Жазылуу

РУБРИКАДАГЫ СОҢКУ КАБАРЛАР

18:29 2025-05-08 | Маданият, шоу-бизнес

Реп-аткаруучу Улукманапо кырк жылкылуу болду 132 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 176 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 275 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 213 0

17:12 2025-05-08 | Коом жана турмуш

“Мектепке кириш, ооруканага баруу кыйын болуп калат” дейт 14 жаштагы Аруужан (видео) 468 0

16:47 2025-05-08 | Түркүн дүйнө

Абу-Дабиге дүйнөдөгү жетинчи Диснейленд паркы курулат (видео) 478 0

Архив

Комментарийлер (11)

rysik79

2019-05-01 21:08:53

Рекламасын укпадык го?

LadyB

2019-05-02 01:32:09

классно, семья это хорошо, Семью надо дорожить и Любить, молодец Кайрат Нуртас.

Abdizhapar

2019-05-02 09:02:43

Бут кийим алган баланын буту сасыйт экен да эми

-5

madina.87

2019-05-02 09:20:42

Мынча суранып эле басып жүрөбүз ушул биз кыргыздар.Уят эле...

karona12

2019-05-02 15:47:47

Байпагын ич кийимин деле алышса болмок экен.

vikidiki

2019-05-02 16:17:51

Озу кондуруп койбодубу, келген сайын костюмун залга ыргытып атып. А так сыйлайм бул ырчыны. "Байка"деген ырын суйом да.

-1

mishonia8077

2019-05-02 16:36:39

Аваз бербей койду беле костюмун

-1

Domui

2019-05-02 18:43:21

Мен жазган комментариияны эмнеге очуруп койуп атасынар супер инфо

admin_portal

2019-05-03 10:15:46

Domui, порталдын ЖАЛПЫ ИШМЕРДҮҮЛҮГҮНӨ байланыштуу сын-комментарий жана талкуу иретинде жазылган билдирүүлөрдү сайттын жетекчилиги өчүрүү менен кошо колдонуучуну порталдан четтетиши мүмкүн.

Baktyluu_bolgum_kelet

2019-05-02 21:09:39

Балдары мынча ширин

Aima94

2019-05-04 13:23:57

Хан өтө ширин бала. Кайраттын бүт ырларын сүйөм

Комментарий калтыруу үчүн өз ысымыңыз менен кириңиз же каттоодон өтүңүз.