Жалал-Абаддын Кара-Көл шаарында 2 милиция кызматкери 10 жылдык мааракесин белгилеп жаткан бүтүрүүчүлөр менен мушташып, ооруканага түштү. Маалыматты SUPER.KG`ге облустук милициянын басма сөз кызматы тастыктады.
Белгилүү болгондой, окуя 26-майда болгон. 10 жылдык бүтүрүүчүлөр менен 2 милиция кызматкеринин ортосунда пикир келишпестиктер орун алып, мушташка айланган. Жыйынтыгында бир кызматкердин мурду сынып, экинчисинин баш мээси чайкалып, ооруканага жеткирилген.
"Милиция кызматкерлери жарандык формада болушкан жана бүтүрүүчүлөр алардын кызматын билишкен эмес. Учурда кызматкерлердин абалы жакшы. Бири ооруканадан чыккан, экинчиси дарылануусун улантып жатат", - деди басма сөз кызматкери.