Ат-Башы районунда "Хизбут-Тахрир" экстремисттик уюмунун 6 мүчөсү кармалды

Нарын облусунун Ат-Башы районунда "Хизбут-Тахрир" экстремисттик уюмунун 6 мүчөсү кармалды. Бул тууралуу Улуттук коопсуздук мамлекеттик комитетинин басма сөз кызматы билдирди.

Маалыматка ылайык, аталган уюм 19-июнда УКМК жана Ички иштер министрлигинин кызматкерлеринин биргелешкен иш-чараларынын жүрүшүндө кармалган.

Кызматкерлер кармалган жарандардын жашаган жерин тинтүүгө алышып, жыйынтыгында уюмдун китептерин, документтери жок курал, дары салынган металл идиш, ноутбук, телефон жана SIM-карталар табылган.

Бул факты 314-берене "экстремисттик уюм түзүү" беренеси менен Кылмыштардын жана жоруктардын бирдиктүү реестрине каттоого алынган. Кармалган жарандар убактылуу кармоочу жайга киргизилип, иш сотко чейинки өндүрүшкө алынды.

Автор: Айсалкын Качкынбекова