Сүрөткө түшөм деп жатып Аламүдүн суусуна агып кеткен 16 жаштагы кыздын жансыз денеси табылды

Аламүдүн суусуна агып кеткен 16 жаштагы кыздын жансыз денеси табылды. Бул тууралуу Чүй ОИИББинин маалымат кызматынан билдиришти.

Бүгүн, 24-июнда болжол менен саат 13:00 чамасында ӨКМнын куткаруучулары кыздын денесин "Теплые ключи" бассейни жактан таап чыгышты.

Окуя 23-июнда кечки саат 19:00 чамасында Кой-Таш айылындагы "12 каминов" эс алуу комплексинин жанында болуп өткөн. Маркум 16 жаштагы И.Д. шаардык мектептердин биринин 9-классынын окуучусу. Ал курбусу менен суу жээгинде сүрөткө түшөм деп жатканда буту тайып сууга кулап кеткен.

Аталган факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Азыркы учурда тийиштүү экспертизалар дайындалганын маалымат кызматы кабарлады.

Автор: Амирбек Исмаилов