Мекенинде зордуктоо боюнча камалып, абактан качкандан кийин дагы кылмыш жасап издөөдө жүргөн жаран Орусияда абакта отурат

Мекенинде каракчылык боюнча издөөдө жүргөн Кыргыз жараны Орусиянын Новосибирск шаарында жаза мөөнөтүн өтөп жатат. Бул тууралуу ИИМдин басма сөз кызматы билдирди.

Маалыматка ылайык, Сокулук районунда туулган 31 жаштагы У.Б. аттуу жаран буга чейин бир нече жолу соттолгон. 2014-жылдан тарта ал "уюшулган топ тарабынан курал колдонуу жана ден соолукка залал келтирүү менен коштолгон каракчылык" беренеси боюнча айыпталып, издөөдө жүргөн.

Мындан тышкары ал зордуктоо, ден соолукка оор залал келтирүү, уурулук боюнча жоопкерчиликке тартылган: 2009-жылы зордуктоо фактысы менен 10 жылга кесилген, кийин 2012-жылы жатак абакка которулган. 2014-жылы өзүм билемдик менен абактан качып, жашынып жүргөн. Буга байланыштуу ага издөө жарыяланган.

2014-жылы жатак абакта жүргөндө башка адамдар менен кылмыштарды жасаган: Сокулук айылында эки жаранды ур-токмокко алып, курал менен коркутуп, уюлдук телефондорун, ири суммадагы акчаларын жана Тойота Прадо унаасын ээлеп алган. Аны менен чогуу бул кылмышты жасагандар кийин кармалган.

Тергөө амалдарынын жүрүшүндө Кыргыз жараны учурда Орусияда "буюмду курал катары колдонуу же курал колдонуу менен ден соолукка оор залал келтирүү" боюнча айыпталып, жаза мөөнөтүн өтөп жатканы аныкталды. Бул жаза мөөнөтүн өтөгөн соң аны жоопкерчиликке тартуу үчүн мекенине кайтаруу маселеси каралат.

Автор: Нургазы Аматов
Фото: ИИМдин басма сөз кызматы

21:26 04-07-2019

Жазылуу

РУБРИКАДАГЫ СОҢКУ КАБАРЛАР

23:41 2025-06-09 | Кылмыштар, кырсыктар

УКМК Жалал-Абадда менчикке мыйзамсыз өткөн жер тилкелери боюнча маалымат берди 124 0

22:58 2025-06-09 | Кылмыштар, кырсыктар

Бишкектеги клубдардын биринин ди-джейи кармалды (видео) 516 0

22:18 2025-06-09 | Саясат

Элчи Руслан Казакбаев Чехиянын Түркиядагы элчиси менен жолукту 149 0

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 447 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 542 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 469 0

Архив

Комментарийлер (3)

asdef

2019-07-04 23:03:24

Келтирбей эле атып жок кылгыла ошондон нары

farida.kg.1991

2019-07-04 23:37:53

Адам болбойт Буга Бир Гана себеп Аллах ОЗУ жазалайт

Avrora2017

2019-07-05 00:37:41

Даана бандит экенда тобаа, кыргызстанга апкелбей эле койгула озубуздун жиндилер жетишет ошактан эле жок болсун а то кыргызстанга келсе бат эле чыгып кетет же качып кетет бизде эми милицакананы билесинерда мышык ыйлагыдай жон эле качып кетсен болот

Комментарий калтыруу үчүн өз ысымыңыз менен кириңиз же каттоодон өтүңүз.