Биринчи Май райондук соту Манасбек Арабаевди үй камагына чыгарды

Президенттик аппараттын соттук реформа жана мыйзамдуулук бөлүмүнүн мурдагы жетекчиси Манасбек Арабаев үй камагына чыгарылды. Бул маалыматты өздүк булактар билдирди.

Маалыматка ылайык, мындай чечимди бүгүн, 5-июлда Биринчи Май райондук соту кабыл алган.

2-июлда Коомдук телерадиоберүү корпорациясынын "Ала-Тоо 24" каналында "Көлөкө" аталышындагы журналисттик иликтөө көрсөтүлгөн. Анда экс-президент Алмазбек Атамбаевдин жакындарынын ири коррупциялык иштерге катыштыгы бар деп айтылган.

Репортажда президенттик аппараттын соттук реформа жана мыйзамдуулук бөлүмүнүн мурдагы башчысы Манасбек Арабаевдин суракта экс-президенттин жубайы Раиса Атамбаевага карата берген көрсөтмөсү көрсөтүлгөн.

Манасбек Арабаев 2-июнда кармалып, УКМКнын СИЗОсуна киргизилген. УКМКнын билдиргенине караганда, ал чет өлкөлүк инвесторлордун объектилерин рейдерлик жол аркылуу тартып алуу менен алектенген айрым кылмыш топторунун кызыкчылыгы үчүн кызматтык абалынан кыянаттык менен пайдаланган деп шектелип кармалган.

Манасбек Арабаев президенттик аппараттын соттук реформа жана мыйзамдуулук бөлүмүнүн башчысы кызматын 2015-жылдын февраль айынан 2018-жылдын 15-майына чейин аркалап келген. Ал "саясий жетекчиликтин ишениминен чыкты" деген жүйө менен иштен алынган.

Буга чейин Арабаевдин дарегине "Ак Үйдө туруп сотторго кураторлук кылууда" деген сындар айтылып келген.

Автор: Айзада Тураркулова

19:57 05-07-2019

Жазылуу

РУБРИКАДАГЫ СОҢКУ КАБАРЛАР

23:41 2025-06-09 | Кылмыштар, кырсыктар

УКМК Жалал-Абадда менчикке мыйзамсыз өткөн жер тилкелери боюнча маалымат берди 124 0

22:58 2025-06-09 | Кылмыштар, кырсыктар

Бишкектеги клубдардын биринин ди-джейи кармалды (видео) 516 1

22:18 2025-06-09 | Саясат

Элчи Руслан Казакбаев Чехиянын Түркиядагы элчиси менен жолукту 149 0

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 447 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 542 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 469 0

Архив

Комментарийлер (6)

Pchelka85

2019-07-05 20:18:21

Раиса Атамбаевага каршы корсотмо берди эле сразу уй камагына чыкты го))))

+10

Chungyz

2019-07-05 20:25:31

Сасык соода

Mamiev

2019-07-05 21:10:47

Бекеринен айтылбаптыр да сасык саясат деп. Беш күндүк өмүрдө акыретти унутуп сотторубуз акчага жана бийликке карап чечим чыгарып калды. А депутат министрлер жаңы бийликти жандап кызмат күтүп жаңы бийликтен, президенттин сөзүнөн чыгышпайт. Не болуп жатат өзү качан патриот баарына тегиз караган эски бийликти куугунтуктоо менен алек болбой өнүгүү жолун издеген президент келет экен а? Ошол күн да келип калаар буюрса

basyz-kaman

2019-07-05 21:11:05

Закон ушундай тергөө менен кызматташсаң күнөөң желдетилет

KAYRATBEK

2019-07-06 04:43:59

Туугандар билип билбей суйлой бербейли. Закондо тергоо менен кызматташсан бир топ женилдиктер берилет. Деген норма бар. Ошонун негизинде уй камагына чыгарылды. Бирок ото ото коп далилдерди бердиго.

-3

katerina.li

2019-07-06 09:56:16

Анча болду бут олкодогу кылмышкелерди уй камагына чыгарышсын. Атамбаевдерге каршы корсотмо беришип койсо эле болду экен да

Комментарий калтыруу үчүн өз ысымыңыз менен кириңиз же каттоодон өтүңүз.