Бишкекте "Хизбут-Тахрир аль-Исламинин" жергиликтүү лидери кармалды

“Хизбут-Тахрир аль-Ислами” диний экстремисттик уюмунун активдүү лидерлеринин бири Жалал-Абад облусунун 41 жаштагы М.М. аттуу тургуну кармалды. Бул тууралуу ИИМдин басма сөз кызматы билдирди.

Маалыматка ылайык, ал 2018-жылдын ноябрь айынан баштап "Экстремисттик материалдарды сатып алуу, даярдоо, сактоо, жайылтуу, ташуу жана жиберүү, ошондой эле экстремисттик же террористтик уюмдардын символдорун же атрибуттарын атайылап колдонуу" беренеси боюнча издөөгө алынган.

Кармоо учурунда М.М. аттуу жаран каршылык көрсөткөн. Шектүүнү текшерүү учурунда “Хизбут-Тахрир аль-Ислами” диний экстремисттик уюмга таандык адабияттар менен электрондук материалдар табылган. Алынган адабияттар менен электрондук материалдар далил зат катары тергөө органына өткөрүлүп берилип, тиешелүү соттук-теологиялык экспертизалар дайындалган. Кармалган жаран Бишкек ШИИББинин убактылуу кармоочу жайына киргизилген.

Болжолдуу маалымат боюнча, М.М. укук коргоо органдарынан жашырынып алып, Жалал-Абад, Чүй облустары менен Бишкек шаарынын аймагында “Хизбут-Тахрир аль-Ислами” диний экстремисттик уюмунун экстремисттик ишмердүүлүгүн жайылтып келген. Ошондой эле жакыр жашаган жарандарды үгүттөө менен алектенип, андан сырткары республиканын аймагында экстремисттик идеологияны жайылтуу планын ишке ашырууну талкуулашкан экстремисттик көмүскө жайдын башчыларынын чогулуштарына катышып келген.

2019-жылдын 26-июнь күнү Бишкек шаарынын Ленин райондук соту тарабынан М.М. аттуу жаранды бир айга тергөө абагына камакка алуу чечими чыкты. Азыркы учурда тиешелүү атайын тергөө амалдары жүргүзүлүүдө.

Автор: Нургазы Аматов

22:53 15-07-2019

Жазылуу

РУБРИКАДАГЫ СОҢКУ КАБАРЛАР

23:41 2025-06-09 | Кылмыштар, кырсыктар

УКМК Жалал-Абадда менчикке мыйзамсыз өткөн жер тилкелери боюнча маалымат берди 124 0

22:58 2025-06-09 | Кылмыштар, кырсыктар

Бишкектеги клубдардын биринин ди-джейи кармалды (видео) 516 0

22:18 2025-06-09 | Саясат

Элчи Руслан Казакбаев Чехиянын Түркиядагы элчиси менен жолукту 149 0

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 447 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 542 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 469 0

Архив

Комментарийлер (8)

JENTLEMAN

2019-07-15 23:00:40

Анан?

Chungyz

2019-07-15 23:22:39

Жетеш жексурлар ушулардан чыгат жаман нерселер

souza.j

2019-07-15 23:48:11

Батукаевдей болуп чыгып кетпесин

aydinnur

2019-07-16 00:00:40

Диний радикалдардын баарын камаш керек ((

elebes86

2019-07-16 00:07:12

Ашынган исламчыл фанат болбойлу. Жөнөкөй эле адам бололук. Диний фанат болуудан пайда жок.

Mirlan27011987

2019-07-16 00:50:21

Чоло молдо дин бузаарлар толуп кетти. Араб пакистандын жалган идеялогияларын Кудайдын созу деп элди алдап жатышат.

-1

Kombi

2019-07-16 10:06:39

Элде дагы куноо бар. Вотсаптан 7 адамга жонот анан жолун ачылат ийгилик келет десе жоното бергендей. Ушундайлардын созуно да ишенип турция сирияга кетип терорист болуп кетип жатат

talas0707

2019-07-16 13:05:42

Ислам динин толук тушунбогондор ушунтип ар кандай туура эмес уюмдарга кошулуп жатышат. Анан динди жаманаты кылып жатышат. Ислам дин бул эн таза дин.

Комментарий калтыруу үчүн өз ысымыңыз менен кириңиз же каттоодон өтүңүз.