Кыргыз-Казак чек арасынан арматура жана кагаз мүшөктөр мыйзамсыз ташылганы аныкталды

Кыргыз-Казак чек арасынан арматура жана кагаз мүшөктөр мыйзамсыз ташылганы аныкталды. Бул тууралуу Мамлекеттик салык кызматынан билдиришти.

Маалыматка караганда, чек арадагы көзөмөл өткөрүү жайларынан ЕАЭБге мүчө мамлекеттерден арматура жана кагаз мүшөктөрүн ташып келүүдө мыйзам бузуулар бар экени белгилүү болгон.

"Ак-Тилек автожолу" көзөмөл-өткөрмө пунктунан 19 тонна арматураны ташып келе жаткан унаа токтотулган. Текшерүүдө товарларды ташып келүү үчүн салыктык каттоо жөнүндө салык органынын маалым катынын колдонуу мөөнөтү өтүп кеткендиги аныкталган. “Чалдыбар автожолу” контролдук-өткөрмө пунктунан 1 миллион сомдон ашык суммада 20 тонна кагаз мүшөк ташып келүү фактысы аныкталды. Айдоочуда товарларды ташып келүү үчүн салыктык каттоо тууралуу салык органынын маалым каты жок болуп чыккан", - деп айтылат маалыматта.

Мыйзам бузуу фактылар боюнча материалдар андан аркы иш-чараларды көрүү үчүн мобилдик топко өткөрүлүп берилди.

Автор: Айпери Ганыжан кызы