Ысык-Көлдө скутер менен дайынсыз жоголуп табылган Казак жаранынын аялы: "Күйөөмдү коё бербей жатышат"

Ысык-Көлдө ижарага алган скутер менен дайынсыз жоголуп табылган Казак жараны Аркадий Мальковду Кыргыз Республикасынан чыгарбай жатышат. Бул тууралуу анын аялы Татьяна Мальковага таянып, казак Tengrinews басылмасы жазып чыкты.

Анын айтымында, күйөөсү учурда райондук ички иштер бөлүмдөрүнүн биринде, качан үйүнө кайтып келери белгисиз. "Чөгүп кеткен скутердин ээлери 5,5 миң доллар сурап жатышат, ошол эле учурда скутер камсыздандырылган эмес жана лицензиясы жок. Бирок мен түшүнүп жатам, төлөөдөн баш тарткан жокмун. Азыр жанымда мындай суммадагы акча жок. Күйөөмдүн компаниясынын эсебинде мынча акча болушу мүмкүн, бирок ансыз мен акчаны эсептен чыгара албайм.

Туугандары жолугушууга барганда, күйөөмдү 300 адам курчоого алып, акчасыз аны эч жакка чыгарбай турганын айтышты. Учурда жолдошумдун телефону да, документи да жок. Скутердин ээлеринин доосу канааттандырылмайынча милиция ишти жаба албайт", - деди аялы.

Буга чейин Казак жаранынын үстүнөн скутердин ээси арыз жазганы белгилүү болгон. Облустук милициядан кабарлашкандай, аны эч ким күч менен өлкөдө кармаган жок жана бул иш жарандык иш катары каралууда.

Окуянын чоо-жайы:

53 жаштагы Аркадий Мальков 14-июль күнү дайынсыз жоголгон. Аны издөө иштерин жүргүзүү үчүн ӨКМдан жалпы 81 куткаруучу, ИИМден 167 кызматкер жана жергиликтүү тургундардан 32 адам тартылган. Издөө иштери моторлуу кайык менен жүргүзүлгөн. Андан сырткары ӨКМдын Ысык-Көл облусу боюнча башкармалыгы тарабынан менчик кемелердин ээлерине багыттоо берилип, азыркы учурда 12 даана кеме издөө иштерине көмөктөшкөн.

16-июлда "Алтын-Көл" эс алуу жайына изделип жаткан жаран келген. Анда Аркадий М. скутерди ижарага алып, көлдүн түштүк жээгине айдап барганда, ошол жерде скутер чөгүп кеткенин айткан. Ал такси менен кайра түндүк жээгиндеги аталган эс алуу жайына келгенин айтып берген.

Автор: Нургазы Аматов

21:32 18-07-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (12)

Jasa

2019-07-18 21:41:24

Жок болсо кредит алып толосун дагы куйоосун чыгарып кетсин,чын эле 5,5 мин доллар турса скутер,аз акча эмес да,чыгарып ийгидей

+10

Aza17

2019-07-18 22:26:32

Скутер чу дегде эле мыйзамсыз лицензиясы жок камсыздандырылган эмес. GPS датчик SOS жардамга чакыруу баскычы жок болсо эмне учун 5500$ толошу к.к. уурдаган болсо аны далил деп кылмыш ишин козгоп анан 5500$ тап кылгыла. Мыйзамсыз коопсуздугу жок скутерди ижарага берип адам омурун коркунучта калтырганы учун Скутердин ээлерине кылмыш ишин козгоо к.к. Жабырлануучуга компенсация толоп беруу к.к. же болбосо ууру кылганын далилдегиле.

-6

uz.nookat

2019-07-18 22:40:57

Aza17,Эгер сенинСкутеринди ушундай кылса не кылмаксын аны канча акчага алды колдо озу сезондо гана иштесе керек

Aza17

2019-07-18 23:11:04

uz.nookat, Мен биринчи кезекте адамдын коопзуздугу учун SOS. GPS кызматын орнотуп мониторин жургузуп байкап. мыйзам чегинде ижарага берип акча табат элем. Адамдын омуру, коопсуздугу учун 5000с/10000с аябаш к.к. акча 1/2 кундо табылат.

-1

aibars

2019-07-18 22:42:16

Aza17, Уурдабаса чоккон жерин болжолдоп корсотсун далилдеп, болжол менен билетда. Скутерде кайдагы SOS? Коопсуздугу учун сактык кийимин кийген жана соз жок ал адамга эскертилген алыс кетпешин, белгиленген убакытта кайтып келуусун.

Aza17

2019-07-18 23:14:31

aibars, Замандан артта калган карангы экенсин. GPS.SOSу болгондо аны 200 адам эки кун издеп убара болмок эмес. Замата кай жерде жургонун байкамак.

-7

Aza17

2019-07-18 23:41:48

Замандан артта калган карангылар. Мыйзам кабыл алгыла:Колдогу моторлуу кайыктын баарына GPS. SOS кызматын орнотуу к.к. Адамдын омуру учун 5000с/10000с аябоо к.к Коопсуздук болсо Туристер да коп келет.

-4

aydinnur

2019-07-18 21:50:13

Скутердин ээсин да түшүнсө болот, ошол менен тамак таап жатса керек... Бир чети казак ММКлары көбүртүп жабыртып жазса керек эми, сезонго терс таасирин тийгизип...

+12

rysik79

2019-07-18 22:19:02

Толоп берсин соз бутту.

aibars

2019-07-18 22:38:49

Скутер менен эмнеге тундук тараптан туштук жагына ушунча алыс аралыкка кетип калат. Мен так билбейм бирок скутер менен ашып кетсе 10-15 мунот журсо керек. Ижарага алып жатканда ушунча убакытта, белгиленген жерлерде журосун деп эскертишсе керек. Бироонун мулкун талкалагандан кийин толоп беригууго милдеттуу. Чек арадан отуп кетсе ошол бойдон жок болот.

Aza17

2019-07-18 22:48:02

aibars, Скутерди 10-15 мунотко эмес акчан боло 1 жумага алып кереметуу колдун каалан жерин коруп келсен болот. Ууру кылып чек арадан отуп кетке болсо аны далидегиле да.

-3

Stervashka

2019-07-19 11:53:56

Адам омурунон да скутер аябай кымбат болуп атабы айланайындар,эгер менин скутерим болгондо аман калганына суйунот болчум.

-1

Комментарий калтыруу үчүн өз ысымыңыз менен кириңиз же каттоодон өтүңүз.