Бишкекте ичүүчү сууга болгон бааны көтөрүү керекпи?

Бишкек мэриясы борбор калаада ичүүчү сууга болгон бааны жогорулатуу зарылчылыгы пайда болгонун жазып чыкты. Маалыматка караганда, акыркы жылдары "Бишкек суу канал" ишканасынын чыгашалары кескин көбөйүп кеткен. 2017-жылы 94 миллион сом болсо, 2018-жылы дээрлик 30 миллион сомго жеткен.

"Ишкананын негизги киреше бөлүгү суу менен камсыз кылуудагы төлөнүүчү каражаттар болуп саналат. Сууга болгон баа бекитилгенден бери кызмат көрсөтүүлөр, керектелүүчү материалдар, сууну тазалоочу реагенттер, күйүүчү-майлоочу майлар кымбаттады. Ошону менен катар инфляция бар жана валюта курсу да жогорулап жатат.

Ичүүчү сууга төлөнүүчү каражат акыркы жылдары жетишсиз болгондуктан ишкана суу түтүктөрү жана канализацияларда толук кандуу иш жүргүзө албай жатат. Негизги түтүктөр эскирип, ондогон чакырым аралыктагы түтүктөр, анын ичинде магистраль суу түтүктөрү жана канализация чогултулган жайлар болгон мүмкүнчүлүгү менен гана иштеп жатат. Алардын 75 пайызы эскирип, 80-100 пайызы тез арада алмаштырууга, оңдоого муктаж.

Бүгүнкү күндө суу менен камсыз кылууда калк үчүн суунун баасы 1000 литр үчүн 5 сом 38 тыйын деп бекитилген. Негизи 1000 литр суунун өздүк наркы 8 сомдон ашык. Агынды сууларга болгон баа 1000 литр үчүн 1 сом 20 тыйын. Мунун өздүк наркы болсо 3 сомго барабар. Бул башка аймактарга салыштырмалуу эки эсе арзан баа болуп саналат. Мисалы, Лебединовканын жашоочулары суу үчүн 8 сом 20 тыйын, бюджеттик уюмдар 21 сом төлөп келишет.

Мындан улам ишкана өз учурунда алып келинген материал жана жабдуулардын акчасын жана салыкты төлөй албай жатат. Ошону менен катар кызматкерлерге эмгек акыны төлөө кечиктирилип жатат. Ушул жылдын 1-июнунда ишкананын карызы 105,2 миллион сомго жеткен. Анын 24,7 миллион сому керектүү жабдууларды алып келгендерден болсо, 22,1 миллион сом салык жана социалдык фондго төлөм, 44 миллион сом Европа банкы, 14 миллион сом РСК банкына кредит төлөө", - деп айтылат маалыматта.

Автор: Айпери Ганыжан кызы

08:15 19-07-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (5)

aza84

2019-07-19 10:36:23

Ушул бийлик тажаты баарын кымбататып

Makul

2019-07-19 10:46:51

Кара башын жутаарда ошентип калышат. Улам бир нерсени кымбаттатып

barakcha

2019-07-19 13:53:17

Сокенин бийлиги!

milan-707

2019-07-19 16:37:17

Суу не кыласын кынбататып арак пиво сигарет кынбатат

xnurgul_gul

2019-07-20 01:52:54

Майлуусуудагы ылайка суу маселесин чечип бергилечи.Же кирибиз жуулабай же озубуз жуулбай сууну сатып ичип жаман кыналдык дагын ылайка ботко сууга 87сом толоп жатабыз киши башына

Комментарий калтыруу үчүн өз ысымыңыз менен кириңиз же каттоодон өтүңүз.