"Мас болгон..." Ноокат районунда эки адамдын өмүрүн алган жол кырсыгында жабыркаган 6 жүргүнчү туугандар болгон

Ноокат районунда эки адамдын өмүрүн алган жол кырсыгында жабыркаган 6 жүргүнчү туугандар болгон. Алардын биринин көк боору айрылып кеткен. Бул тууралуу бүгүн, 22-июлда Ош облусунун жана Ош шаарынын саламаттыкты сактоо координатору Абдилатип Шамшиев билдирди.

"Кырсыктан 2 адам каза болгон, андан сырткары ар түрдүү жаракаттарды алган 8 адам ооруканага жеткирилген. Алардын ичинен Мерседес Бенц Гелендваген унаасынын 23 жаштагы С.М. аттуу айдоочусу мас абалда болгон, баш мээси чайкалган, чекесинен жаракат алган. 23 жаштагы А.А. аттуу жүргүнчүсү дагы мас абалда болгон, чекесинин оң тарабынан жаракат алган, моюнунан жаракат алган. Алар кийин Ош шаарындагы ооруканага которулган.

Ал эми ВАЗ-2104 унаасынын 6 жүргүнчүсү (Бел-Өрүк айылынын тургундары) райондук ооруканага жаткырылган. Анда 43 жаштагы Ж.Б. аттуу жүргүнчүнүн баш мээси чайкалган, сол буту сынган, 16 жаштагы Р.к.Б.нын сол колунун билеги сынган, 4 жаштагы Т.А.нын баш мээси чайкалган, кулагынан жана ичинен жаракат алган. 3 жаштагы Т.М.нын оң колунун билеги эки жеринен сынган, 10 жаштагы К.Н.нын баш сөөгү сынып кеткен, баш мээси чайкалган, сол көзүнөн жаракат алган, ички органдарына доо кеткен. 12 жаштагы К.Н. башынан оор жаракат алган, баш сөөгү сынган. Ооруканага түшкөн күнү баары жандандыруу бөлүмүнө түшкөн. Учурда алар жалпы бөлүмгө которулду, дарыгерлердин көзөмөлүндө болууда", - деп билдиришти.

Окуянын чоо-жайы:

Жол кырсыгы 19-июль күнү саат 20:00 чамасында Ноокат-Папан унаа жолунда орун алган. Анда 23 жаштагы айдоочу башкарып бара жатып, ВАЗ-2104 үлгүсүндөгү унаа менен сүзүшкөн. Кырсыктын кесепетинен ВАЗ-2104 унаасынан 2 адам каза болуп, 6 адам ооруканага жеткирилген. Ал эми Мерседес Бенц Гелендваген унаасынан 3 адам жаракат алган.

Автор: Мальвина Уметбекова

17:00 22-07-2019

Жазылуу

РУБРИКАДАГЫ СОҢКУ КАБАРЛАР

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 76 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 300 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 278 0

20:14 2025-06-09 | Коом жана турмуш

Бишкекте 61 жаштагы Алтын Эрматова дайынсыз болууда 424 0

19:58 2025-06-09 | Саясат

Адылбек Касымалиев Өзбекстанга жумуш сапары менен барат 212 0

19:36 2025-06-09 | Коом жана турмуш

Чолпон-Атада Азия өлкөлөрүнүн өкүлдөрү ак илбирсти коргоо үчүн чогулушту 250 0

Архив

Комментарийлер (5)

Kanybek121195

2019-07-22 17:43:18

Ушуга окшогон ХХХХ айынан бей күнөө адамдар өлүп жатат. Ал дагы геленваген минсе бир шишканын баласы да.

nurzidaergeshova

2019-07-22 21:18:22

Kanybek121195,биздин айылдык аялы куйоосу каза болду.балдар загска чыккан экен

Gulnyr19

2019-07-22 21:00:30

Арак ичпей балээни ичкир кичинекейлер экен баары эле. Аман-эсен айыгып кетсин

Alixan-Nookat.2015

2019-07-22 21:33:16

Кудайым өзүң жардам бере көр кырсыкка кабылгандар батыраак айыгып кетишсин

tynara81

2019-07-23 08:08:57

Капа болбогула го, ошол бейкүнөө жигулидегилерден көрө, гелендвагендеги эки көпкөн сөрөй өлбөптүр да. Ичим алып көпкөн байдын балдары 2 жанды алып, канчасын майып кылышты .

Комментарий калтыруу үчүн өз ысымыңыз менен кириңиз же каттоодон өтүңүз.