Кыргыз өлкөсүнүн премьер-министри Мухаммедкалый Абылгазиев Орусия Федерациясынын Кыргыз Республикасындагы Толук жана ыйгарым укуктуу элчиси Николай Удовиченко менен жолугушту.
Жолугушуунун жүрүшүндө эки өлкөнүн ортосундагы соода-экономикалык, маданий-гуманитардык кызматташтык жана башка эки жактуу мамилелердин актуалдуу маселелери талкууланды. Ошондой эле, Евразия өкмөттөр аралык кеңешинин жыйынына Орусиянын премьер-министри Дмитрий Медведевдин өлкөгө келиши күтүлүп жаткандыгы белгиленди.
Мындан тышкары, премьер-министр Кыргыз тарап 2020-жылы Орусия Федерациясында "Кыргыз Республикасынын жылы" жана Кыргыз Республикасында "Орусия Федерациясынын жылы" деп жарыялоо жөнүндө мамлекет башчыларынын макулдашууларынын алкагында уюштуруу комитети түзүлгөнүн айтты.