Кара-Суу районундагы Отуз-Адыр каналынан эркек кишинин жансыз денеси табылды

Кара-Суу районундагы Отуз-Адыр каналынан эркек кишинин жансыз денеси табылды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 4-август күнү аталган райондун Таш-Арык айылындагы Отуз-Адыр каналына 1967-жылы туулган Ы.Т. аттуу эркек киши түшүп кеткендиги тууралуу маалымат түшкөн. Издөө иштерин жүргүзүү үчүн жерине 27 куткаруучу тартылып, кечээ саат 19:16да маркумдун жансыз денесин суудан табышып, туугандарына өткөрүп беришти.

Автор: Жылдыз Джускембаева