Оштогу мелдештин жыйынтыгына нааразы болуп видеокайрылуу тараткан өзбек мушкери боюнча эки тараптын өкмөтү сүйлөштү

22-августта тышкы иштер министри Чыңгыз Айдарбеков Өзбекстандын тышкы иштер министри Абдулазиз Камилов менен телефон аркылуу сүйлөштү. Бул маалыматты министрликтин маалымат кызматы таратты.

Сүйлөшүүнүн жүрүшүндө тараптар коңшу өлкөнүн спортчусунун видеокайрылуусун талкуулашты.

18-августта Ош облусунда өткөн кулатуу боюнча эл аралык мелдешке катышкан өзбекстандык мушкер Нурсултан Рузибаев турнирдин жыйынтыгына нааразы болуп, өз өлкөсүнө баргандан кийин жеке баракчасы аркылуу кыргыз эли тууралуу видеокайрылуу жасаган.

Улуттук ар намыска шек келтирди делген бул видеокайрылуу боюнча Ош облустук милициясы Кылмыш-жаза кодексинин 313-беренесине ылайык ("Расалык, этностук, улуттук, диний же региондор ортосундагы кастыкты козутуу") сотко чейинки өндүрүшкө алып, иликтөөнү баштаган. Бул тууралуу облустук милициянын маалымат кызматынан билдиришти.

"Азыркы учурда видеокайрылууга себеп болгон ошол мелдештин уюштуруучулары да чакырылып, тергөө иштери жүрүүдө. Ал эми видеону тараткан Өзбекстандын жараны Нурсултан Рузибаев өз мекенине өтүп кеткендиктен, ага карата тергөө иштери эл аралык Минск Конвенциясынын алкагында жүргүзүлмөкчү", - деди мекеменин маалымат кызматынан.

Эки өлкөнүн тышкы иштер министрлери бул иш калыс иликтенүүсү үчүн жеке көзөмөлдөрүнө алуу боюнча бир пикирге келишти.

Өзбек мушкеринин видеокайрылуусун эки тараптын министрлери талкуулашты

Автор: Амирбек Исмаилов

12:59 23-08-2019

Жазылуу

РУБРИКАДАГЫ СОҢКУ КАБАРЛАР

18:01 2025-07-21 | Кылмыштар, кырсыктар

Бишкекте мушташууга чейин барышкан курьер менен жигитке чара көрүлдү (видео) 30 0

17:47 2025-07-21 | Түркүн дүйнө

Менеджери менен кучакташа коюп кызматынан кол жууган жетекчи... Алардын кылыгы мемге айланды (видео) 214 0

17:45 2025-07-21 | Бизнес-Инфо

Beeline «Миллионго билет» лотереясынын жеңүүчүлөрүнө байгелерди тапшырды 84 0

17:28 2025-07-21 | Түркүн дүйнө

Трамп Обаманын кармалышы мүмкүн экенин кыйытты 385 0

17:24 2025-07-21 | Саясат

Бишкекте кыргыз-монгол кызматташтыгы талкууланды 115 0

17:02 2025-07-21 | Түркүн дүйнө

Газада "Тез жардам" кызматы ачарчылыкка каршы дүйнөгө жардам чакырыгын таштады 368 0

Архив

Комментарийлер (4)

Abdizhapar

2019-08-23 13:27:14

Башын жулуш керек жетимдин

+14

asman.81

2019-08-23 13:31:50

Эми милициялар калыс изилдегиле да,уюштургандар менен калысты куноолу кылып жибербегиле.Мындай жерде озбектерди актап жиберишчу эле.Рузибаев бир муш ура албай тайтайып жатып бериптир го.Калыс туура чечим кабыл алган.

al-abu-kinesz

2019-08-23 14:55:18

Мелдеште бирок Нурсултан утуптур. Ал учун судьяны жоопко тартыш керек, ал эми Рузибоевди сот жообуна тартпаса нота жонотуш керек.

-4

amin1986

2019-08-23 15:24:07

al-abu-kinesz,ошондо Нурсултон Рузибоевти утуп коюптурбу

Комментарий калтыруу үчүн өз ысымыңыз менен кириңиз же каттоодон өтүңүз.