28-августтан 31-августка чейин Бишкектин айрым көчөлөрүндө унаа каттамдарына чектөө киргизилет

Бишкектеги айрым көчөлөр унаа каттамдары үчүн убактылуу жабылат. Жолдор эгемендүүлүк күнүнө карата "Ала-Тоо" аянтында уюштурулуп жаткан иш-чарага байланыштуу жабыларын Бишкек мэриясынан кабарлашты.

28-августтан 30-августка чейин саат 09:00дөн 11:00гө чейин Чүй кең көчөсүнүн Эркиндик бульварынан Панфилов көчөсүнө чейинки бөлүгү жабылат.

31-августта саат 08:00дөн 12:00гө чейин жана кечки 19:00дөн 23:00гө чейин төмөнкү көчөлөрүндө унаа каттамдарына чектөө киргизилет.

Чүй кең көчөсүнүн Тыныстанов жана Тоголок Молдо көчөлөрүнө чейинки бөлүгүндө;

Киев көчөсүнүн Эркиндик бульварынан Логвиненко көчөлөрүнө чейинки бөлүгүндө;

Фрунзе көчөсүнүн Панфилов жана Раззаков көчөлөрүнө чейинки бөлүгүндө;

Ошондой эле жогоруда айтылган аймактар менен чектешкен Абдымомунов көчөсү дагы жабык болот.

Келтирилген ыңгайсыздык үчүн мэрия айдоочулардан кечирим сурап, алдын ала альтернативдүү жолду табууга чакырат.

Автор: Бактыгүл Момбекова