Биринчи вице-премьер кышкы мезгилден туруктуу өтүүнү камсыздоо маселеси боюнча ар бир жетекчинин так позициясы болушу керектигин айтты

"Жылытуу мезгилине эки ай калганына карабастан, ар бир жетекчинин экономика тармактарын жана республиканын калкын энергетикалык системге кыйла көп күч келген кышкы мезгилден туруктуу өтүүнү камсыздоо маселеси боюнча позициясы так аныкталышы керек", - деп биринчи вице-премьер-министр Кубатбек Боронов жылытуу мезгилине даярдоо боюнча республикалык штабдын жыйынында айтты. Бул тууралуу өкмөттүн басма сөз кызматынан билдирди.

Анын айтымында, 2019-жылдын 27-августуна карата абал боюнча Токтогул суу сактагычында суунун көлөмү 16,9 миллиард метр кубду түздү. Токтогул суу сактагычына суунун топтолуу агымы 2019-жылдын сугат мезгилинде орточо жылдык көлөмдүн 86 пайыз деңгээлинде күтүлүүдө. Демек, ГЭСтер менен жылуулук электр станцияларынын ортосунда электр энергиясын карап чыгууну бөлүштүрүү маселесин кылдаттык менен иштеп чыгуу зарыл.

Кубатбек Боронов бөлүштүрүүчү электр компанияларынын айрым жетекчилери электр энергиясын керектөөнүн белгиленген лимиттери боюнча өкмөттүн тапшырмасын аткарууга талаптагыдай көңүл бурбай жатышканына басым жасады.

Жыйындын жыйынтыгы боюнча биринчи вице-премьер-министр энергетика ишканаларынын жетекчилери аткарылуучу оңдоо жумуштарынын мөөнөттөрүн эле эмес, иштин сапатын да өзгөчө көзөмөлгө алууну тапшырды.

Финансы министрлигине "Улуттук энергетикалык холдинг компаниясы" ААКсы менен бирдикте бюджеттик керектөөчүлөр тарабынан пайдаланган электр энергиясы үчүн карызды толук көлөмдө төлөөнү камсыздоо боюнча чараларды көрүү тапшырмасы берилди.

Автор: Жылдыз Джускембаева

21:19 29-08-2019

Жазылуу

РУБРИКАДАГЫ СОҢКУ КАБАРЛАР

12:03 2025-07-22 | Түркүн дүйнө

Иттер Паркинсон оорусун жыт аркылуу аныктай алышат 29 0

11:49 2025-07-22 | Түркүн дүйнө

Жылан чаккан 31 жаштагы аял каза болду 278 0

11:38 2025-07-22 | Коом жана турмуш

Казакстандан ташылып келе жаткан ун артка кайтарылды 244 0

11:28 2025-07-22 | Түркүн дүйнө

Барселона туристтердин агымын азайтуу үчүн эки круиздик терминалды жабат 211 0

11:10 2025-07-22 | Түркүн дүйнө

Бейтааныш адамдар берген суюктукту ичкен кыз жандандыруу бөлүмүнө түшкөн 380 0

11:07 2025-07-22 | Түркүн дүйнө

Израил Газанын борборуна биринчи жолу жер үстүндөгү операция баштады 497 0

Архив

Комментарийлер (7)

JENTLEMAN

2019-08-29 21:52:49

"Айтты, деди, деп билдирди, деп баса белгиледи, деген оюн билдирди" деп эле жүрө беришет, булардын баары куру сөз. Узбекистандын президентине окшоп жаш баладай кылып ордунан тургузуп сурап, анан мойнуна тапшырманы илип, срок коюш керек, ошол срокто бүтүрө албаса кайрале ошол чогулушта эл көзүнчө прямой иштен айдаш керек, дейин десем биздин п.министр менен президенттин колунан койдун коргоолун теришта келбейт.

-1

Jaznura

2019-08-29 22:03:57

Кышта кар көп жааса да өкмөттөн көрүп жүрбөгүлө. Андан көрө отун сууңарды азыртан камдагыла

altyn-kumush

2019-08-29 22:06:07

ПМдин аракети жакшы, баарын сөгүп талап кылыш керек. Негизи эле жакшы сөз жарашпайт аларга

Bektur2011

2019-08-30 10:43:09

Окмоттун аракети жакшы натыйжа берип жатат. Колдош керек

Absamat-90

2019-08-30 10:50:43

Өкмөт дал ушул аткаруучуларды темирдей тартипке алып, ар бир баскан турганын козомолго алганда гана результат болот. Буга чейин булар кагаз бетинде калтырып конгон. Эми ал заман артта калды, иштегиле, ойгонгула,козунорду чоон ачып иштей турган убак келди алтындар!

Erik2018

2019-08-30 10:52:44

Азыр талап куч иштей албаган жетекчиге эчкимдин боору оорубайт

Ernestinio

2019-08-30 10:52:48

мурдагы ситуациядан сабак алып дагы бир жолу контролдоп, талап кылып атканы го жакшы. Мурдагы окуялар кайталанбаса, элим кышты аман эсен откоруп алса бийликтин иштегенге аракет кылганы ошол да

Комментарий калтыруу үчүн өз ысымыңыз менен кириңиз же каттоодон өтүңүз.