Парламент комитетинде Солтон-Сарыдагы чыр жана учурдагы кырдаал жөнүндө маселе каралат

Бүгүн, 3-сентябрда парламент комитетинде Солтон-Сарыдагы чыр жана учурдагы кырдаал жөнүндө маселе каралат. Бул тууралуу Жогорку Кеңештин сайтына жарыяланды.

Маалыматка ылайык, Отун-энергетикалык комплекси жана жер казынасын пайдалануу боюнча комитети аталган маселе боюнча өкмөттүн баяндамасын угат.

Баяндаманы биринчи вице-премьер-министр Кубатбек Боронов жасайт.

3-августта Солтон-Сарыдагы алтын кенин иштеткен "Zhong Ji Mining" кытай компаниясы менен жергиликтүү тургундардын ортосунда пикир келишпестик чыккан. Чыр 5-августта да уланып, 500дөн ашык адам чогулуп, кен комбинатын куруп жаткан кытайлык "Zhong Ji Mining" компаниясына барган. Алар компаниянын кызматкерлерин кендин аймагынан чыгып кетүүсүн талап кылышкан.

Автор: Жылдыз Джускембаева